amalinks wokungena

ZESN: Abesifazana Kumele Bevote Ngobunengi Kukhetho Oluzayo

  • Ntungamili Nkomo

Inhlanganiso ekhankasela ukhetho olukhululekileyo, iZimbabwe Election Support Network (ZESN), isikhuthaze abesifazana ukuthi babhalise ngobunengi ukuze bevote kukhetho oluzayo.

Embikweni ewethule inanza ilanga leInternational Women’s Day ngoLwesithathu, iZESN ithe kuqakathekile ukuthi abesifazana baphatheke kwezombusazwe ngokugcweleyo.

IZESN ithe njalo kubalulekile ukuthi omama bathole amathuba alingana lawabesilisa kunhlangothi zonke zempilo ukuze impilo zabo zithuthuke njalo bephumelele.

Iphinde yasola kakhulu udlame oluvame ukuba khona ngesikhathi sokhetho okugoqela ukudlwengulwa kwabesifazana isithi ukhetho oluzayo kumele luqhutshwe ngokuthula.

uNkosikazi Rita Ndlovu, umqoqi wenhlelo zebandla leMDC elikhokhelwa nguMnu. Welshman Ncube, laye ukhuthaze abesifazana ukuthi bavote ngobunengi kukhetho oluzayo.

“Ngithi kubomama bonke labasakhulayo, kumele libhalise ukuze livote ngobunengi kukhetho lomnyaka ozayo,” kutsho uNkosikazi Ndlovu.

Facebook Forum

XS
SM
MD
LG