amalinks wokungena

Breaking News

UZex Manatsa Owacula Ingoma Encoma iBosso Kasekho


UZex Manatsa, ubhubhele eHarare (01/20/20) - Courtesy Photo/Manatsa Facebook Page

UZex Manatsa, owacula ingoma ehaya iqembu leHighlanders, kasekho. Umdeni kaManatsi uthi ubulewe ngomkhuhlane wemvukuzane.

Umdeni kamuyi ulobe enkundleni yokuxhumana eyeFacebook ekhasini lika Manatsa ukuba badane okumangalisayo yikutshiywa ngumuntu obethanda imuli yakhe njalo labalandeli bomculo we-jit jive, kwela letsabatsaba.

UManatsa wacula ingoma ezadla ubhedu ngama 1970s kusiya kuma 1980s ngesikhathi ilizwe leZimbabwe lilwela uzubuse.

Ngaphandle kweqembu leHighlanders, waculela njalo iqembu leDynamos leleCaps United.

Ngomnyaka ka1979 etshada loStella Katehwe wanxusa abantu abanengi abangena eRufaro Stadium lapho abagida kwaze kwasa.

EleZimbabwe lithola intambo zombuso ngomnyaka ka1980, uManatsa wacula eRufaro Stadium labanye abaculi abalodumo abaoqela umuyi uBob Marley.

Ingoma zakhe ezinengi wayezilungiselwa ngamankampani agoqela eyeTeal Records, Gallo Records, Shed Studios leGramma Records.

Ubhubhe esetshiye ukubanguvangeli kubandla lwezekholo lweZAOGA.

Utshiye umkakhe, abantwana abane, abazukulu lezizukulwane ezifika phose amatshumi amathathu.

Facebook Forum

XS
SM
MD
LG