Zibakhalele Abantwana Abalitshumi Abatholakale Besenza Ukuganga Edilini leVuzu Party koBulawayo

Amapholisa athi abophe abantwana abalitshumi koBulawayo ngoLwesine abatholakale besemcimbini wokuganga obizwa ngokuthi yi-vuzu party kwenye indlu eHillside.

Abantwana laba baleminyaka esukela kwelitshumi lane, 14, kusiya kwelitshumi lasithupha, 16.

Isikhulumeli samapholisa uMnu Paul Nyathi uthi abayisitshiyangalombili babo ngabafundi kwezinye izikolo ezimbili koBulawayo.

Wengeze wathi abasolwa batholakale bebhema izinto ezilokhe zisahlolisiswa ngamapholisa ukuze kubonakane ukuthi kuyini.

Banengi abasakhulayo asebebotshowe koBulawayo ngemva kokutholakala kuma-vuzu party, okuyimicimbi lapho ontanga ababuthana khona ngudlu benatha utshwala lokusebenzisa izidakamizwa njalo besiya emacansini bengagqize qhakala.

Umkhokheli wenhlanganiso yeBulawayo Progressive Residents Association uMnu Thembelani Dube utshele iStudio 7 ukuthi uzulu kumele abambisane lamapholisa ngokugcweleyo ukuze kuqedwe loludubo.

Embed share

Ingxoxo loMnu Thembelani Dube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:51 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala