amalinks wokungena

Breaking News

Bayakhonona Abanye Ngokwabiwa Kwelifa LikaMandela


Nelson Mandela
Kuhlelo lwezamasiko lokuphila kwabantu liviki sihlaziya ilifa likamuyi uNelson Rolihlahla Mandela owayengumongameli wele South Africa obhubhe nyakenye.

Ilifa leli lezigidi ezedlula kancane zamadollar $4.1 million lethulelwe umphakathi izolo eGoli.

UMandela utshiyele abantwabakhe inkulungwane ezingamakhulu amathathu amadola $300,000 munye ngamunye, abanye ayesebenza labo inkulungwane ezine lamakhulu amahlanu umuntu oyedwa - $4,500, wabela njalo eyinye imali izikolo, lebandla lakhe le ANC.

Katshiyelanga yona eyokudla umuthi owayengumkakhe uWinnie Madikizela Mandela abehlukana esephume entilongweni lapho ahlala khona okweminyaka engamatshumi amabili lesikhombisa.

Bakhona abathi uMandela wenza kahle ekwabeni ilifa lakhe kodwa abanye bayakhonona besithi yindaba enganikanga uMadikizela okuyingcosana.

Ukuze sihlaziye udaba lolu sixoxe lengcwethi kwezamasiko esintu uNkosazana Nomalanga Mzilikazi Khumalo loMnu. Thandeko Zinti Mnkandla.

UMnkandla uthe bekungamelanga ukuthi uMandela anike ingcosana yelifa lakhe uMandikizela Mandela njengoba sebehlukana.

Kodwa-ke uMakhumalo walile esithi bekumele uMandela ayenze njengobaba womhlaba wonke ngokunika okuncinyane uMadikizela.
please wait

No media source currently available

0:00 0:05:04 0:00
Lapho esitholakala khona
XS
SM
MD
LG