amalinks wokungena

Breaking News

Abakhubazekileyo Bathakazelela Indlela Esanda Kuvulwa Yokungena eHarare Town House


Abanye abakhubezekileyo abafuna ukuthi ikhansili yeHarare ibalungisele indlela yokungena eTown House.

Abakhubazekileyo bemukela ngenjabulo ukwakhiwa kwendlela eyenza kube lula ukufinyelela izakhiwo emawofisini esigodlo sikamanisipala weHarare, eseTown House, ukuze abahamba ngenqola lamadondolo banelise labo ukungena kulendawo.

Abakhubazekileyo bathi isilitshumi iminyaka bekhulumisana leziphathamandla zikamanisipala eTown House ukuba zibalungisele indlela yaloluhlobo abangahamba ngayo i-ramp ukuze abahamba ngenqola yama wheelchairs lodondolo benelise ukufinyelela emawofisini la nxa kukhona abakudingayo.

Abanye abakhubazekileyo ababalisa uNkosikazi Nasper Manyawu loMnu. Hillary Mlambo bathi kumele umanisipala weHarare asebenze ngesiphangiphangi ukwenzela ukuthe balungiselwe abakufunayo.

UMnu. Marshal Shonhai, ongakhubazekanga, uthe kuyamhlupha ukuthi abantu abakhubazekileyo babhekane lohlupho olunje ngesikhathi umhlaba wonke jikelele unakekela abakhubazekileyo.

UMayor we Harare, uMnu. Benard Manyenyeni, uthi ukusilela kwemali yiwo umgoqo omkhulu kumanisipala weHarare ukuthi wakhe okuzakwenza ukuthi abakhubazekileyo benelise ukungena emawofisini ekhansili.

Inengi labakhubazekileyo, ikakhulu abahamba ngenqola zamawheelchair lamadondolo, bathi kabenelisi ukufinyelela indawo ezinengi eziqakathekileyo, lalapho befisa ngenxa yemigoqo yokuswelakala kwendlela zama ramp.

Babikwa bekusilinganiso phose esilitshumi ekhulwini,abakhubazekileyo elizweni. Bahlezi bekhalaza ngokwakhelwa indlela zaloluhlobo zamaramp sikhathi sonke, bethi bayabandlululwa, betshiywa phandle lapho kuhlelwa inhlelo ezehlukeneyo okubalisa ukwakhiwa kwezakhiwo.

Facebook Forum

XS
SM
MD
LG