amalinks wokungena

Breaking News

Amapholisa Avimba Abakhubazekileyo Abafuna Ukutshengisela Ezitaladini


Amapholisa avimbe abakhubazekileyo ukuthi bengatshengiseli ezitaladini.

Abenhlanganiso ezehlukeneyo ezilwela amalungelo oluntu eHarare bazonde bagane unwabu ngenxa yenyathelo elithethwe ngamapholisa lokuvimba abakhubazekileyo ukuthi bafole belubhekise edale lephalamende ukuyakwethula incwadi yezikhalazo zabo.

Lokhu kutshengisela bekumele kwenziwe ngoLwesithathu kukhokhelwa ngabenhlanganiso ye Zimbabwe People and Parents For Children with Disability.

Omunye wabasole amapholisa, nguMnumzana Zisunko Ndlovu, umqondisi wenhlanganio ekhankaselwa ukugcwaliseka kweziqondiso ezabekwa yinhlanganiso yomanyano wamazwe omhlaba, kwezokuthuthukiswa kwabantu ama Sustainable Development Goals – SDG’s, eye Growthedge Development Programme - GDP.

Lokhu kusekelwe nguMnu. Charles Nyoni owe Occupy Africa Unity Square, othi okunye okubakhathazayo yikuhlukuluzwa nguzulu mahlayana nje.

UNkosazana Hillary Mlambo, omunye wabakhubazekileyo obekukhangelele lokhu kufola, uthe bekufunwa nguye labanye bakhe yikuya kwethula incwadi yezikhalazo nje edale lephalamende kanye lemawofisini kahulumende awe Compensation House.

Ngenxa yokuphuza kokuthola umbiko wokwaliswa kwalokhu kufola ngamapholisa, besebekhona abaze ukuzaphatheka, abanye bevelele esigabeni seMasvingo.

Amapholisa abikwa ethusele abekade befuna ukutshengisela laba ukuba bengaqhubeki ngalokhu kutshengisela ngoba bengalandelanga umthetho.

Bekumiswe imota ezimbili ezisetshenziswa ukuthela uzulu, amanzi ababayo kanye lebikade igcwele amapholisa angafika phose amatshumi amahlanu, bucwadlana ledale lephalamende.

Kuthi emahofisini kahulumende, ogatsha lwezisebenzi, awe Compensation House, obekungenye yendawo lapho bekumele base khona enye yalezincwadi zezikhalazo, bekunyakazela amapholisa.

Udaba Esilethulwe NguMavis Gama
please wait

No media source currently available

0:00 0:03:59 0:00

Facebook Forum

XS
SM
MD
LG