amalinks wokungena

Breaking News

Abalobi Sebesebenzisa Umabonakude Ekwethuleni Ingwalo Zabo


Abalobi bethula ingwalo kuma DVD.

Inhlanganiso yabalobi bezingwalo zeSindebele eyeZimpande Zomdabu, isisungule uhlelo lokuguqulela ingwalo zayo kubomabona kude ngenxa yokwehla kwentshukuntshu yokubala izingwalo.

Laba ngababhali bezingwalo seSiNdebele abangamalunga enhlanganiso ye Izimpande Zomdabu. Amalunga ale inhlanganiso esungulwe ngo 2015 athi asebenze gadlala ebhala izingwalo sesintu esezifika amatshumi amathathu.

Kodwake ngemva komsebenzi ongaka, bathi bahlangane lobunzima kakhulu bokuthengwa kwalezi ingwalo. Ngemva kokunanzelela ukuthi inengi labantu alisathandi ukubala izingwalo, bahlale phansi bakhanda icebo lokulingisa lokhu okumunyethwe zingwalo zabo bese bekufaka kuma DVD azatholwa nguzulu azibukele ngamehlo.

Okhokhelale inhlanganiso obuye njalo abe ngumlobi uMbonisi Ndlovu, uthi lobanje izingwalo bengakazitshisi, icebo labo leli lokuguqulela ingwalo zabo kumaDVD selikhombise ukuthakazelelwa ngabanengi.

“Sinawo ama novel esiwathengisayo, hayi awahambi kakhulu kodwa siphika ngokuthi njengoba sesifake kuDVD abantu abanengi bazokwanisa ukuthi babuke iDVD ngoba manje sebefuna into ezibukwa ngamehlo abathandi ukufunda amanovel kakhulu.”

DVD abasanda kuyethula iqukethe udaba oluthi Yeyi Kubi oluvela kugwalo oluthi Yeyi Kubi olulotshwe nguye uMbonisi.

Uknowledge Ncube kuDVD yalolugwalo ulingisa enguThenjiwe. Uthi kwedlula ubunono bolimi okumunyethwe yiDVD yabole.

“Ulwazi uyaluthola lokufunda njalo ubuye ukuthole ngoba leyi imideni ibixabana yomibili, so lapha ngokukhulelwa kwami sekuzakwenza le imideni iye ihlangane. So lokhu kuyikufundisana ukuthi loba abazali bengaze bexabane njani, ngokuya kwesikhathi as umphakathi kufanele sihlangane sibe ndawonye.”

Elinye ilunga laleliqembu uPauline Ncube uthi sebekwenze kwabangumsebenzi wabo ukuvuselela umkhuba wokubala lokulondoloza ulimi lwesintu.

“Sifisa ukuthi abantu bakithi babelwazi ulimi lwakithi njalo futhi ma bethenga izingwalo babe kwazi ukuthi lokhu esikubhalayo kube lulwazi ebantwanengi njalo siyafisa ukuthi nxa bebala izingwalo bengazilahli bazibekele ingane zabo ukuze babe kwazi esiloba ngakho.”

Omunye wamalunga aleli qembu uMoketsi Nkomo odume ngelithi umntaka nakaFred uthi engwalweni zabo lezi lakula ma DVD kusetshenziswa ulimi olujulileyo okokuthi bezwa ubuhlungu ukuthi ingwalo zabo azikemukelwa ukuthi zifundiswe abantwana ezikolo.

Enye yenkondlo zakhe ethi Dear Mama ephuma ogwalweni lwakhe oluthi Sikufanele isihogo ipha ubufakazi bokujula kolimi abalusebenzisayo.

Udaba Esilethulelwe NguBenedict Nhlapho
please wait

No media source currently available

0:00 0:03:33 0:00

Facebook Forum

XS
SM
MD
LG