amalinks wokungena

Breaking News

Amalunga eCOSATU Labadabuka eZimbabwe Basola Ukugunyulwa Kwabantu Emisebenzini


Bakhalala umsebenzi batshengisele emigwaqweni kwele South Africa.

Izizalwane zeZimbabwe ngoLwesithathu zimanyene lamalunga enhlanganiso yezisebenzi zakwele South Africa eyeCongress of South African Trade Union, ekutshengiseleni emigwaqweni elizweni lonke, zisola ukugunyulwa kwabantu emisebenzini kubangelwa yisimo somnotho esilokhu sisiba sibi kulelo lizwe.

Abatshengisele emigwaqweni kwele South Africa.
Abatshengisele emigwaqweni kwele South Africa.

Inkulungwane lenkulungwane zezisebenzi kwele South Africa zikhalele umsebenzi zangena emigwaqweni zitshengisela zisithi uhulumende kumele amise ukugunyulwa kwabantu imisebenzi okukhanya kusenzakala emankampanini azimeleyo lakahulumende.

Unobhala jikele webandla leZimbabwe Communist Party, uMnu. Ngqabutho Mabhena, ngomunye obekulokhu kutshengisela.

“Thina silapha kusolidarity with abasebenzi be South Africa, kanti futhi silapha silokhu sigqugquzela ngokwenzakala eZimbabwe lapho abasebenzi beZimbabwe abahlaselwa khona nguhulumende kaEmmerson Mnangagwa. Yikho sisithi thina umzabalazo wabasebenzi lapha eSouth Africa abawenza lamhlanje lomzabalazo wabasebenzi beZimbabwe awehlukananga kuyafanana”

Batshengisela kwele South Africa besola ukugunyulwa kwabantu emisebenzini.
Batshengisela kwele South Africa besola ukugunyulwa kwabantu emisebenzini.

Umgcinisihlalo wenhlanganiso yezisebenzi zakwamanye amazwe kwele South Africa eye Migrant Workers Association, uMnu. Butholezwe Nyathi, uthi inkulungwane lenkulungwane zezisebenzi zeZimbabwe ezikwele South Africa lazo ziyathinteka kakhulu nxa umnotho usiwa.

Uthi njalo labo bakhala ngokwephulwa kwamalungelo ezisebenzi ezibuya phandle kwelizwe agoqela ukusetshenziswa amahola amade kakhulu, beholiswa imali ephansi, ukuxotshwa mahlayana emsebenzini lokunye.

UMabhena uthi okufuze kufundwe nguhulumende weZimbabwe yindlela izisebenzi ezitshengisele ngayo zingahlukunyezwa ngamapholisa loba ngamasotsha, kanti njalo akuzange kube lomphathintambo loba isikhulumeli sikamongameli esibethusela ngokuthi bengekela ukuya emsebenzini bazaxotshwa.

Ngeviki ephelileyo abeCosatu batshengisele emngceleni lele Zimbabwe, eBeitbridge besola ukuhlukunyezwa lokubotshwa kwezisebenzi eziphatheke ekutshengiseleni okwenzeke elizweni lelo ngeviki ephelileyo.

Facebook Forum

XS
SM
MD
LG