Uhulumende ukhuthazwa ukusabalalisa iziphala zolwazi zabangaboniyo ukwenzela ukuthi baphatheke ngokwaneleyo kunhlangothi zonke zentuthuko okubalisa ezenotho, inhlalakahle kazulu kanye lezombusazwe.
Linkuthazo ivele emkhosini wokwethulwa kohlelo lokuphawulwa kwalezi ziphala oqoqwe ngabeBulawayo Public Libraries, ababe ngabakuqala ukubalalesi siphala esiqondana labangaboniyo ngomnyaka ka 1995.
Emazwini akhe emkhosini wokuphawula loluhlelo, owenzelwe emawofisini womphathintambo omela isigaba seHarare, uNkosikazi Mirriam Chikukwa, uthe kumqoka ukuthi bangatshiywa phandle kwezokutholiswa ulwazi abangaboniyo ngoba beleziphiwo ezehlukeneyo.
Wengeza esithi kungalesi sizatho bekubone kufanele basebenzisane labaculi abablisa uSulumani Chimbetu lo Clarence Garura emkhankasweni lo wokusabalaliswa kweziphala zolwazi elizweni.
Ophatheke kwezokukhankasela abaphila lobugoga, ongaboniyo njalo eligqwetha, uMnu. Abraham Mateta, uthe balamukela ngenjabulo inyathelo elithethwe ngabe Bulawayo Libraries.
Uphinde wathi ukusebenzelana labaculi kuzophathisa ekufinyeleleliseni, imibiko ephezu kokubaqakathekisa, kuzwisiseke ngcono, inkokheli kunhlangothi zonke zempilo ivuleke amahle.
UPatron waloluhlelo esiphaleni sengwalo eseBulawayo Library, uMnu. Gilbert Mabasa, owekolitshini leBulawayo Poly Technical College uthe luqakathekile uhlelo lolu.
Abangaboniyo bathi kungalesi sizatho bezafuna sisungulwe eHarare isiphala solwazi saloluhlobo, kulandelwa isibonelo sakoBulawayo, anduba lusabalale ilizwe lonke loluhlelo.