Ukusilela kwamafutha ezimota sokuqalile njalo elizweni osokubangele ukuthi amabhasi lamakhombi abe malutshwana emigwaqweni.
KoBulawayo kubikwa sokuqalile njalo umkambo wensitha othengisa amafutha la ngentengo ethe xaxa.
EHarare amafutha akhanya esesilele kakhulu ngawe diesel.
Kumaviki ambalwa asanda kwedlula uhulumende wathi ngokukhweza intengo yamafutha ezimota awaseyikusilela njalo.
Kodwa usomabhizimusi njalo ephatheke kwezombusazwe, uMnu. Edwin Ndlovu, uthi ukusilela kwamafutha ezimota akuzange kuvele kwabangcono.
UNdlovu uthi izihambi sezithwele nzima ngokusilela kwamafutha.
Omunye njalo usomabhizimusi ophatheke kwezombusazwe, uMnu. Abednico Bhebhe, uthi inkinga yikuthi uhulumende kafuni kuphumela egcekeni ngokuthi udaba lwamafutha ezimota luyamxaka ngoba elokhu esithi isisindo se-bond silingana lesedola leMelika.
Ngokukhweza intengo yamafutha ezimota uhulumende wathi yikho okuzaqeda udubo lokusilela kwawo kodwa osekusenzakala kudala imibuzo yokuthi sokuzathiwani manje ukwenzela ukuqeda udubo oseluphendukile.
