amalinks wokungena

Breaking News

Amapholisa Athi Kumele Abantu Beqaphele Amasela Alemibhobho Ngekhefu leKhisimusi


Amapholisa koBulawayo asephume ijumo ehamba elimukisa abantu abalungiselela ukuthakazalela ikhefu leKhisimusi lelokwamukela umnyaka omutsha ukuba behlale benanzelele amasela emzini yabo emaphandleni lasedolobheni ngoba adla ubhedu kulez’insuku njalo ngekhefu elinje eza ehlomile ngemibhobho.

Inengi labantu liyaphithizela enzikini yedolobho belungiselela ikhefu leKhisimusi lomnyaka omutsha abanye ngabavakatshela emaphandleni kuthi labakhwathaza izikhwama labo sebethe bathola ithuba lokuzithabphuzela kwabangakusebenzelanga.

Isakhamuzi sakoBulawayo, uNkosikazi Phumuzile Ndlovu, uthi baphakathi kokulungiselela iKhisimusi kodwa ngakwelinye icele iCovid-19 layo ibathwalise nzima.

Ophila ngokuthenga ethengisa phakathi laphandle kwelizwe, uNkosikazi Debra Mukasa, uthi amasela lezikhathi zokusebenza phansi kweCovid 19 Lockdown kubaphambanisele ibhizimusi njenganyakenye.

UKhansila Kaward 17, emele loWard 19, uNkosazana Sikhululekile Moyo, uthi amasela abhahile kulezi insuku abantu ngakhoke abantu kabajabulele iKhisimusi ngonanzelelo.

Umphathintambo wendaba zasekhaya, uMnu. Kazembe Kazemba uthi benza konke okusemandleni abo ukubona ukuba abantu bavikelekile emaseleni njalo lamapholisa asethe abalohlelo lokuhamba belimukisa abantu ngazo zonke indlela amasela azisebenzisayo ukuhlukuluza uzulu.

EZimbabwe ubusela bukusilinganiso sokungamatshumi phose ayisithupha ekhulwini 58.80 percent, njalo kuminyaka emithathu edlule buqanse ngesilinganiso sokungamatshumi ayisikhombisa lasithupha ekhulwini-76 percent. Ukugqekezwa kwezindlu kukusilinganiso sokuphose kufike amatshumi ayisikhombisa- 67.72 percent, kuthi abantu ababanjwa inkunzi kuphose kufike amatshumi ayisithupha 59.88 percent. Ukwebiwa kwezimota khona kuyingxenye yekhulu -50 percent.

Loba kulamasela abhahileyo uzulu uphakathi kokulungiselela ikhisimusi lomnyaka omutsha kungakhathalekile lokuthi iCovid-19 layo lokhu ikhwaza ngolaka.

Facebook Forum

XS
SM
MD
LG