amalinks wokungena

Breaking News

'Akulanguquko Ekhanyayo Selokhu Ibutho Lahluthuna Intambo Zombuso NgoLwezi Ngomnyaka ka2017'


Umuyi uMajor General Sibusiso Moyo.

Abantu abanengi bathi akulanguquko ekhanyayo selokhu ibutho lahluthunela intambo zombuso mhlaka 14 kuLwezi ngomnyaka ka2017.

Bathi uzulu uthwele nzima ngenxa yokugugudeka komnotho welizwe.

Kodwa abasekela ibandla elisusayo bathi intambo zombusa zahluthunelwa owayengumongameli umuyi uRobert Mugabe ngoba kwasokonakele eZimbabwe.

Ibutho langena endaweni eziqakathekileyo ngosuku lolu ezibalisa umsakazo oweZimbabwe Broadcasting Corporation lapho uMajor General Sibusiso Moyo, owatshela umhlaba wonke ukuba ibutho kalihluthunanga umbuso kodwa babezama ukubopha okwakuthiwa yizidlova ezazigombolozele uMugabe.

UMajor General Sibusiso Moyo wethula lokhu esemsakazweni weZBC lapho athi uMugabe lemuli yakhe baphethwe kahle. Banengi abakubandla leZanu PF abathi ibutho lenza kahle. Omunye wabo nguMnu. Malaki Nkomo.

Kodwa uMnu. Ntokozo Msipha, okunhlanganiso yeTyson Wabantu, uthi ibutho lahluthuna umbuso kuzikhanyela ukuba kulabantu ababekubandla leZanu PF ababefuna kubuswe ngemfanelo eZimbabwe.

Omunye njalo ochothoza okwenziwa libutho nguMnu. Effie Dlela Ncube, ingcwethi kwezombusazwe ezimeleyo.

UNcube uthi ngamanga ukuba ibutho lalifuna ukubopha ababegombolozele uMugabe.

Lokhu kusekelwa nguMnu. Mthulisi Hanana, unobhala jikelele webandla leZapu.

Ibutho kukhanya lokhu lizibambe esidukwini eZimbabwe njengoba abanye abalezikhundla eziphezulu kuZimbabwe Defence Force bangena kuhulumende kaMongameli Emmerson Mnangagwa.

Kulabantu Abathi Ukususwa Kuka Mugabe Esikhundleni Akuguqulanga Lutho eZimbabwe
please wait

No media source currently available

0:00 0:06:42 0:00


Facebook Forum

XS
SM
MD
LG