amalinks wokungena

Breaking News

'Izikolo Kumele Zithakazelele Umdlalo weBasketball'


Izikolo zezabelweni zeMaNdebeleni zikhuthazwa ukuba ziqakathekise umdlalo we-basketball ukuze zingaqhubekeli phambili zibhuqwa ngeziphuma ngasenyakatho kwelizwe.

Isiphathamandla senhlanganiso yeLakers Foundation, uSikhumbuzo Ndlovu, uthi kuqakathekile ukuba izikolo ezisezabelweni zeMatabeleland zihlale zidlala umdlalo we-basketball ukuze zivale umkhandlu okhona phakathi kwazo lalezo eziphuma ngasenyakatho yelizwe.

UNdlovu utsho lokhu ngemva kokuba izikolo ezivele ngase nyakatho yelizwe kuyizo ezinqobe kumncintiswano wamankazana kanye lowabafana kumidlalo yalonyaka eye Lakers Foundation Under-16 tournament.

“Esikunanzelelayo yikuthi izikolo zangale kubo Harare lase Mashonaland ziqinile njalo zidlala kamnandi ngoba izinga labo liphezulu okwedlula izikolo zangapha. Thina njenge Lakers Foundation sibona silengqobe eyokuthi sihlanganise izikolo zangapha ukuze zinanzelele ukuba umkhandlo lo okhona phakathi kwethu lezikolo zangale idalwa yikuthi kasisebenzi kakhulu njalo kasitholi usekelo olunengi.”

Imidlalo yeLakers Foundation Under 16 tournament iqhutshelwe edolobheni lako Bulawayo ngempelaviki eyedluleyo njalo iqembu le Girls High School elase Harare yilo elinqobe kumncintiswano wamankazana kuthi ele Kutama High School yilo elinqobe kumncintiswano wabafana.

Amankazana eGirls High anqobe osowabo abe Nkulumane High nge 36 ka 27 ku final kuthi iqembu le Kutama High litshaye ele Mazowe High nge 36 ka 32 ku final.

Imidlalo le ibiyingxenye yenhlelo zokuthakazelela ukufikisa iminyaka elitshumi kwenhlanganiso yeLakers Foundation yona esungulwe ngomnyaka ka 2009.

Linhlanganiso ikhangelelwe ukuba iqhube njalo eminye imidlalo yabantwana abaleminyaka engaphansi kwelitshumi lantathu phakathi laphakathi komnyaka kuthi lapho umnyaka ususiya fika komlindi uyacina iqoqe njalo eminye imidlalo ezangenwa ngamaqembu avela kwamanye amazwe.

Udaba Esilethulelewe NguJoseph Njanji
please wait

No media source currently available

0:00 0:01:41 0:00

Facebook Forum

XS
SM
MD
LG