amalinks wokungena

Breaking News

Uhulumende weBhilithani kuMnangagwa: Hlonipha Amalungelo Oluntu


EleBhilithani lithi liphatheke kakubi ngokubotshwa kwabalwela amalungelo oluntu labameli beMDC edale lephalamende okuqhubekayo.

Ngokunjalo, umphathintambo obona ngobudlelwano balelilizwe lamazwe aseAfrica uNkosikazi Harriett Baldwin uthi uhulumende weZimbabwe kumele alondoloze ilungelo loluntu njalo ahloniphe imithetho yelizwe.

Umphathintambo obona ngobudlelwano beZimbabwe lamanye amazwe uMnu Sibusiso Moyo laye wethule umbiko echothoza eleMelika lomanyano weEuropean Union ngokuqhelisa izijeziso zenotho ezetheswa iziphathamandla zeZanu PF ngamazwe la.

UMoyo uthe uhulumende kaMongameli Emmerson Mnangagwa uyawahlonipha amalungelo oluntu kanti njalo uselethe inguquko ebanzi kundaba zombuso okhululekileyo.

Kodwa ingcwethi kwezombusazwe uMnu Effie Dlela Ncube uyakuphikisa lokhu esithi ukubulawa lokubotshwa kwabantu mahlayana okuqhubekayo kuveza sobala ukuthi akawananzi amungelo uhulumende.

please wait

No media source currently available

0:00 0:02:04 0:00

Kusenjalo amazwi kaMnu. Sibusiso Moyo agcizelelwe ngumabhalane omkhulu kugatsha lwakhe; uMnu. James Manzou, phambi kwekhomithi yedale lephalamende ebona ngobudlelwano lamanye amazwe ngoLwesithathu.

UMnu. Manzou, obemele uMnu Moyo, utshele likhomithi ukuthi uhulumende uzaqhubeka ngemizamo yokuthi izijeziso zenotho azetheswa ngeleMelika kanye lomanyano we European Union zesulwe ngoba esithi ziloncindezelo.

Uqhubeke wathi kulequla eliza elizweni kunyanga ezimbalwa ezizayo, okungamanye amalungiselelo awokuthi eleZimbabwe lingene kunhlanganiso ye Commonwealth.

Ukuze sihlaziye loludaba, sixoxe loMnu. Richard Mahomva yena othi kufanele uhulumende alwisane lezijeziso zenotho ngoba azikho emthethweni ngeziqondiso zomanyano wamazwe omhlaba owe United Nations.

please wait

No media source currently available

0:00 0:03:00 0:00

Facebook Forum

XS
SM
MD
LG