amalinks wokungena

Breaking News

Litshaya Eziwayo Iqembu leZimbabwe Emdlalweni yeVictoria Cup


Brendan Dawson

Iqembu leZimbabwe elidlala umhlobo we-rugby odlalwa ngabadlali abalitshumi lanhlanu selinqobe kumidlalo emithathu eseliyidlale kumncintiswano wenkezo ye Victoria Cup.

Ekhuluma lentatheli ngemva kokuba leliqembu linqobe ele Kenya nge 30 ka 29 ngoMgqibelo, umqeqetshi walo uBrendan Dawson uthe abadlali abasakhulayo sebedale umehluko omkhulu ekudlaleni kwaleliqembu ebeseliphenduke umthatshuzwa eminyakeni eyedluleyo.

“Silabadlali abasakhulayo. Abanye babo baleminyaka elitshumi lathoba minwe mbili abanye njalo baleminyaka elitshumi lathoba munwe munye njalo balamadlabuzane, okuyinto edala ukuba umumo kuqembu lethu kube ngowokuthi wonke umuntu ufuna ukudlala ngoba belokuzithemba,” kutsho uDawson.

Lumdlalo wangoMgqibelo ubungekho lula njengoba lawa maqembu ehambe kukhefu engutshiki lobhanqa 17 ka 17 kodwa ukukhahlela kuka kaputeni weqembu le Zimbabwe uHilton Mudariki yikho okwenze umehluko.

Emidlalweni yalo emibili eyakuqala iqembu leZimbabwe litshaye ele Zambia nge 39 ka 10 kowakuqala kwathi kowesibili linqobe ele Uganda nge 31 ka 26.

Emdlalweni walo olandelayo kumncintiswano we Victoria Cup iqembu le Zimbabwe lizadlala lele Uganda mhla zingamatshumi amabili lane kuyonale inyanga kaNcwabakazi.

Emdlalweni wenguqu: Iqembu lama Warriors lidlulele kusigaba esilandelayo esomncintiswano we African Nations Championships (Chan) ngemva kokunqoba ele Mauritius nge 3 ka 1 ngeSonto enkundleni ye Barbourfields.

Nxa sekuhlanganiswa impumela yemidlalo emibili edlalwe ngamaqembu lawa iqembu le Zimbabwe linqobe nge 7 ka 1 njengoba litshaye ele Mauritius nge 4 ka nya emdlalweni wehlandla lakuqala.

Iqembu lama Warriors lizadibana leqembu le Lesotho kusigaba esilandelayo esomncintiswano ngemva kokuba ele Lesotho linqobe ele South Africa.

Kusenjalo iqembu labesifazane elimela ilizwe le Zimbabwe emdlalweni wenguqu selifinyelele kusigaba se semi – final kumncintiswano we Cosafa Women’s Championship oqhutshelwa elizweni le South Africa kulezinsuku.

Iqembu leli eliqeqetshwa ngu Sithethelelwe Sibanda litshaye ele Swaziland nge 7 ka nya namhla emini okutsho ukuba yilo eliphutshe imidlalo yezibaya lihlezi phezu kwesibaya sika Group C njalo lizadibana leqembu le South Africa kusigaba se semi – final.

Abahlohlele iqembu le Zimbabwe ngababalisa uEmma Msipha yena olitshayele emambuleni kane, uMavis Chirandu ohlohle kabili kanye lo Rudo Neshamba ohlohle elilodwa.

Udaba Esilethulelwe NguJoseph Njanji
please wait

No media source currently available

0:00 0:02:13 0:00

Facebook Forum

XS
SM
MD
LG