amalinks wokungena

Breaking News

MDC: Sokumele Umsekeli kaMayor Wako Bulawayo uKambarami Asuke Esikhundleni Lesi


UMnu. Tinashe Kambarami, umsekeli kaMayor wedolobho lako Bulawayo.
UMnu. Tinashe Kambarami, umsekeli kaMayor wedolobho lako Bulawayo.

Encwadini elotshwe ngumabhalani wesigaba sakoBulawayo kulelibandla uNkosazana Sibusisiwe Adams, uMnu. Kambarami uphiwe amalanga ayisikhombisa kuphela ukuthi atshiye isikhundla lesi.

Ibandla leMovement for Democratic Change (MDC) selilobele umsekeli kaMayor wedolobho lakoBulawayo ukhansila Tinashe Kambarami incwadi limazisa ukuthi atshiye isikhundla sakhe ngoba kwakuvele kufanele sithathwe ngukhansila ka ward one kulelidolobho uMnu. Mlandu Ncube.

Encwadini elotshwe ngumabhalani wesigaba sakoBulawayo kulelibandla uNkosazana Sibusisiwe Adams, uMnu. Kambarami uphiwe amalanga ayisikhombisa kuphela ukuthi atshiye isikhundla lesi.

Isiphathamandla seMDC uMnu. Sesel Zvidzai wayelobele isigaba sakoBulawayo kumaviki ambalwa edluleyo, incwadi, echasisa ukuthi uKhansila Kambarami wabizwa emahofisini eHarare ukuthi kuxazululwe loludaba, kodwa kasahambanga.

UMnu. Zvidzai uthi ukhansila Kambarami engekela ukutshiya lesi isikhundla abe ngukhansila nje, uzaxotshwa kubandla leMDC.

Amakhansila alelibandla kwamanye amadolobho, agoqela umayor weVictoria Falls uMnu. Somvelo Dlamini abhekane lesimo esifanayo.

UMnu. Chamisa usanda ukuchasisa emhlanganweni omkhulu we rally yalelibandla ngempelaviki ukuthi kwakufanele amakhansila alandele izinqumo zebandla lakhe ekukhetheni omayor.

Ukuze sizwe okunengi ngodaba lukaMnu.sixoxe loMnu. Edwin Ndlovu, umsekeli wesikhulumeli sebandla leMDC koBulawayo.

UMnu. Ndlovu uthi okhansila bamenywa yiziphathamandla zalelibandla eHarare ngemva kokhetho, kwaxoxiswana labo ku interview, njalo kwakhethwa ukuthi abazakuba ngomayor yibaphi.

Uthi kwakufanele ukuthi abanye okhansila bevotele labo abapasayo ku interview, kodwa akusabanga njalo emadolobheni athile.

Ezinye izakhamizi zedolobheni lakoBulawayo zatshengisela phambilini kokhetho zisithi azifuni ukuthi kukhethwe umuntu ongaveli koBulawayo kumbe ongomunye umhlobo ongasiwo weMatabeleland.

Kodwa uMnu. Ndlovu uthi ibandla lakhe alilankethabetshabi, kukanti ukhansila Kambarami wazalelwa njalo wakhulela koBulawayo.

"We are a non racial, a non tribal party.....lanxa bekunguKhumalo obengenile, ubezatshelwa ukuthi kukhethwe uMlandu Ncube," kugcizelela uMnu. Ndlovu.

please wait

No media source currently available

0:00 0:02:50 0:00

XS
SM
MD
LG