amalinks wokungena

Breaking News

UMnangagwa Ufaka uMthuli Ncube loKirsty Coventry Kudale leCabinet Yakhe


UMnu. Emmerson Mnangagwa

UMongameli Emmerson Mnangagwa usekhethe idale labampathintambo eleCabinet elilamalunga angamatshumi amabili abagoqela uMnu. Mthuli Ncube ongumqondisi webhanga leAfrican Development Bank.

Ukhethe loKirsty Coventry, owaziwa ngezemidlalo yamanzi (swimming), osengumphathintambo wezemidlalo lokukhangelane labatsha.

Kakhethanga abanye asebehlale kakhulu kudala leCabinet abagoqela uMnu. Obert Mpofu, uDr. David Parirenyatwa loMnu. Patrick Chinamasa.

Abanye abakhethiweyo bagoqela Nkosikazi Oppah Muchingura Kashiri (Defence) Mangaliso Ndlovu (Industry and Commerce), Obadiah Moyo (Health) and Sekesai Nzenza (Public Service), July Moyo (Local Government), Sibusiso Moyo (Foreign Affairs), Amon Murwira (Higher and Tertiary Education), Cain Ginyilitshe Matema (Home Affairs), Paul Mavima (Primary and Secondary Education), Perence Shiri (Agriculture and Environment), Winston Chitando (Mines), Joram Gumbo (Energy and Power Development), Joel Matiza (Transport/Infrastructure), Monica Mutsvangwa (Information/Media), Kazembe Kazembe (Information/Courier Services), Priscah Mupfumira (Tourism) and Sithembiso Nyoni (Women’s Affairs).

Bazafungiswa ngoMvulo.

Kukhethwe njalo abasekeli babaphathintambo bengatsha zikahulumende ezilitshumi lantathu kuphela.

Isikhulumeli sabalwa impi yenkululeko, uMnu. Victor Matemanda, usengumsekeli kamphathintambo wezomvikela labalwa impi yenkululeko.

UMnu. Rajeshakumart Modi, onguye yedwa owakhethwa ko Bulawayo kubandla le Zanu PF ukubalilunga ledale lephalamende, uzakuba ngumsekeli womphathintambo wogatsha lwezokuthengiselana. Kulabanye njalo abambalwa abakhethwe ngumongameli.

Uzulu wamukele leliqula labazakhokhela inhlangothi zikahulumende ngendlela ezehlukeneyo.

UMnu. Nkosikhona Dibidi uthi ulethemba lokuba bazakuvunyelwa ukuba basebenze laba bantu besebenzisa ulwazi asebelalo hatshi njengalokho obekusenziwa ngowayengumongameli uMnu. Robert Mugabe.

Obona ngezokukhulumisana kunhlanganiso yentathelizindaba ezisakhulayo eye Young Journalists Association Zimbabwe, uMnu. Leopold Munhende, uveze ukulijabulela lelidale labaphathintambo.

please wait

No media source currently available

0:00 0:05:37 0:00

Abanye ngabancome ukuphiwa isikhundla sikamgciningcebo wesizwe, uMnu. Mthuli Ncube, oyazakala ngokukhalipha kwezemali. Ukuhlaziya loludaba sixoxe lengcwethi kwezombusazwe, uMnu. Zenzele Ndebele.

please wait

No media source currently available

0:00 0:02:03 0:00

Facebook Forum

XS
SM
MD
LG