amalinks wokungena

Breaking News

Bakhala Ngomkhuhlane weCOVID-19 Ngekhefu leKhisimusi


FILE: Badinga imali ngesikhathi sekhefu leKhisimusi.

Baluthakazelela ngokutshiyeyo usuku lweKhisimusi eHarare lezinye indawo eZimbabwe.

Abantu abanengi bathi bekunzima lonyaka ngosuku lweKhisimusi okulabalitshumi lane – 14 ababulewe ngumkhuhlane weCOVID-19 kwathi abedlula inkulungwane bahlolwe batholakala belegciwane leCoronavirus. UNkosikazi Sibonginkosi Phiri, ohlala eHarare, uthi bekunzima lonyaka njenga nyakenye.

“Kuma Khisimusi adlulileyo, kuyiskhathi sonaleso, siye emaChurch, siyejabula lezihlobo labangane, kuhlatshelelwa, kumnandi, sijabulela usuku lokuzalwa kukaJesu Khristu. But khathesi, ayi, iKhisimusi ilomahluko kakhulu ngoba, umkhuhlane lowu kawumelanga ukuthsi sihlangane, sibe banengi. So, yikho okunye okusenze sangahlangani.”

UNkosikazi Phiri uthi babongo uNkulunkulu ngokubagcina ngesikhathi kumemetheka igciwane leCOVID-19.

“Sizihambele emasimini, sayazilimela ukwenzela ukuthi singahlangani labanye, sisesaba wonalowo mkhuhlane omemethekayo. Njalo asisathakazelelanga ukuthi kumbe sithakazelela ukuzalwa kukaJesu but besesibonga impilo. Ngoba umnyaka uphelile plus le CORONA le kade imemetheka, siyaphila. So yikho kade sikubonga kuNkulunkulu ukuthi sibonga ukuthi siphilile, kasisayanga ukuyabonga labanye ema-church. Thins siziyele emasimini, satshona sizilimela labantwana, satshayisa lapho, sabuya sazopheka okuphekwayo, kwadliwa ilanga latshona

UBishop Busani Sibanda, oweThe United Apostolic Faith Mission Church, uthi igciwane leCOVID-19 lenze abantu besaba kakhulu ukuyahlangana labanye.

“Siqoqe ukubana abantu babuthane ngendlela ezitshiyetshiyeneyo, kodwa sesilandela esingakuthi yi the new normal. I-COVID 19 yenze safunda ezinye indlela esimele sizisebenzise ezihlanganisela imibuthano yabantu emoyeni, emafonini, kuma-Facebook, kuma Twitter, kuma WhatsApp Group. Abantu sebephiwa imithandazo kulawo ma-platforms.”

UMfundisi Wilfred Dimingo, unobhala wenhlanganiso yeInter-Religious Council, elilunga njalo leZimbabwe Council of Churches, uthi abantu kumele behlatshwe ijekiseni yokuzivikela kumkhuhlane weCOVID-19.

“Lingaze lanathisana onamnede ngalesi sikhathi, lingaze langena kanye ukuthintana lapho lithe lahlangana kumicimbi efana lasezinkonzweni, endaweni zokujabulela loba ezitaladeni. Ungake waba kwazi ukuba ngubani olayo leyo COVID, ngokumkhangela nje umuntu. Ukuze uthakazelele ukhulekile, yana hlatshwa ijekiseni lokuzivikela, ugqoke i-mask yakho sikhathi sonke njalo uhlalele khatshana labantu.”

Uhulumende kaMongameli Emmerson Mnangagwa ukhuthaza uzulu ukuba angakhohlwa ukulandela iziqondiso ezabekelwa abantu ngabe World Health Organization leleZimbabwe ngesikhathi sekhefu leKhisimusi ukwenzela ukuzivikela kumkhuhlane weCOVID-19.

Bekunzima Lonyaka eHarare Ngosuku lweKhisimusi
please wait

No media source currently available

0:00 0:03:40 0:00


Facebook Forum

XS
SM
MD
LG