amalinks wokungena

Breaking News

Abadabuka eZimbabwe Abahlala eSouth Africa Bakhala Ngokuvalwa Kwamabhizimusi


Abadabuka eZimbabwe abahlala kwele South Africa bathi ukuqiniswa kweziqondiso zohlelo lokuvikela uzulu kumkhuhlane weCOVID-19 kubaphilisa nzima kwele South Africa.

Umsakazo weSouth African Broadcasting Corporation ubika ukuba uMongameli Cyril Ramaphosa izolo kusihlwa wethule umbiko othi ilizwe seliqinise iziqondiso zohlelo lweCOVID-19 lockdown okuzakwenza ukuba kuvalwe izindlu zokudlela – ama-restaurants lezinye indawo okugcwala khona abantu.

Uhulumende kaRamaphosa uthi uzama ukuvimba ukumemetheka komkhakha wegciwane leCOVID-19 olakho ukubulala abantu abanengi. Abadabuka eZimbabwe abahlala kwele South Africa bathi lokhu kubenza behluleke ukudinga imali yokuziphilisa. UMnu. Nkululeko Gwabalanda Mathe ngomunye wababhekane lohlupho lokuphanda impilo.

UMathe uthi sebekhengelele kulabo abadingela uzulu ukudla.

USaNoe Khoza uthi ayiqedakali Icovid-19 lockdown efakwe nguhulumende kaRamaphosa.

Kusenjalo, abadabuka eZimbabwe abahlala kwele Australia bathi babhekane lesimo esifanayo njengoba sekuvalwa amadolobho amanengi ngenxa yokumemetheka komkhakhea weDelta lomunye oqhamuke kwele India ebulala abantu abanengi.

UMnu. Mandla Moyo, ohlala eSydney, uthi kuyethusa okwenzakala elizweni leli.

UMoyo uthi balakho ukuhlupheka ngenxa yokuvalwa kwamadolobho amanengi.

Ukuvalwa ngci kwele South Africa lakwele Australia kukhangelelwe ukuba uzulu uzavikelwa kumkhuhlane weCOVID-19 osubulele abantu abafika phose izigidi ezine – 3,9 million emhlabeni wonke jikelele.

Sokuvalwe Ngci eSouth Africa Lakwele Australia Ngenxa yiCOVID-19
please wait

No media source currently available

0:00 0:03:38 0:00


Facebook Forum

XS
SM
MD
LG