amalinks wokungena

Breaking News

Abantu Abedlula 12,000 Sebehlatshwe Ijekiseni yeSinopharm eZimbabwe


Umsekeli kamongameli nguya owaqala ukuhlatshwa eZimbabwe. (VOA)

Abezempilakahle, intathelizindaba labazomvikela abedlula inkulungwane ezilitshumi lambili lengxenye – 12,579 sebehlatshwe ijekiseni yeSinopharm eZimbabwe kusukela ngesikhathi kuqala uhlelo lokuhlaba abantu kusenzelwa ukuvikela uzulu kumkhuhlane weCOVID-19.

Okhangelane lohlelo lokuvimba ukumemetheka kwegciwane leCOVID-19 ekuhlangothi lwezempilakahle, uDokotela Agnes Mahomva, utshele iphephandaba leSunday Mail ukuba kukhangelelwe ukuthi kuzahlatsha abantu abanengi kunsukwana ezilandelayo njengoba uMongameli Emmerson Mnangagwa esithi ijekiseni yeSinopharm kayibulali.

Abanye abongi bathi bayawesaba umuthi lo onikwe eleZimbabwe ngele China. UMnangagwa uthi ilizwe lizathola amanye njalo amajekiseni olumuthi ohluzwe yinkampani yakwele China, azahlatshwa yena, abakudale leCabinet labanye abantu elizweni lonke jikelele.

Kodwa abantu lokhu bekhala ngokungabi lemfundiso eyeneleyo emayelana lokuhlatshwa kukazulu ijekiseni yeSinopharm. Omunye wabasola okwenziwa nguhulumende nguMnu. Collins Ncube.

Omunye njalo nguMnu. Nqobizitha Khumalo, umsekeli wesikhulumeli sebandla lePeople’s Democratic Party.

Kodwa uMnangagwa uthi kumele abantu behlatshwe ijekiseni yeSinopharm njengalokhu okwenziwe ngumsekeli wakhe, uMnu. Constantino Chiwenga.

Bekukhangelelwe ukuba uMnangagwa uzakhuluma namuhla ngohlelo lokuvalela abantu ezindlini kusenzelwa ukuvimba ukumemetheka kwegciwane leCOVID-19. Umkhuhlane weCOVID-19 sowabulala abantu abedlula inkulungwane lengxenye – 1,463 selokhu waqhamuka kwele Zimbabwe.

Udaba Esilethulelwe NguMavis Gama
please wait

No media source currently available

0:00 0:01:59 0:00


Facebook Forum

XS
SM
MD
LG