amalinks wokungena

Breaking News

ICOVID-19 Ithwalise Nzima Abantu eZimbabwe Lemhlabeni Wonke Jikelele


Mhla zilitshumi lanye kuMbimbitho lonyaka kuyabe kugqhitshwa umnyaka inhlanganiso yezempilakahle eyeWorld Health Organization yaphawula ubhubhane lweCOVID-19 njengomkhuhlane obulala abantu abanengi emhlabeni wonke jikelele, iglobal pandemic ngeSilungu.

Abantu abanengi kwele Zimbabwe bathi umkhuhlane weCOVID-19 ubathwalise nzima selokhu waqhamuka nyakenye. Abanye balahlekelwe yizihlobo labangane kwabanzima lokusebenzela imuli.

Isibhedlela seJohns Hopkins University sithi kulabantu abedlula izigidi ezilikhulu – 116 million asebehlolwe batholakala bele COVID-19 kwabhubha abedlula kancance izigidi ezimbili lengxenye – 2,6 million emhlabeni wonke jikelele. Umkhuhlane lo usubulele abedlula inkulungwane lengxenye eZimbabwe – 1,485.

Abantu abanengi bathi balahlekelwe yizihlobo labangane kanye lemisebenzi njengoba bekuqhutshwa uhlelo lokuvalela uzulu ezindlini olwe lockdown ukwenzela ukuvimba ukumemetheka komkhuhlane weCOVID-19. Umkhuhlane lo usuthiye abahlala emaphandleni bethithibele.

UMnu. Thembelani Moyo, ohlala eLupane, uthi ubathwalise nzima umkhuhlane weCOVID-19.

UMoyo uthi abantwana labo bathwele nzima.

USikhwicamfundo Solwayo Ngwenya, osebenza eMpilo Hospital, uthi umkhuhlane weCOVID-19 udale ukuhlupheka okumangalisayo eZimbabwe lemhlabeni wonke jikelele.

UMnu. Innocent Ndibali, osebenza kukampani ekhangalane lomkhuhlane lo, uthi kuyathembisa ukuba abantu bazaphepha kumkhuhlane lo ngokuya kwesikhathi.

UNkosazana Cynthia Dube uthi abantu kumele bazivikele sonke isikhathi ngendlela ezitshiyeneyo.

USikhwicamfundo Ngwenya uthi amajekiseni okuvImba ukumemetheka kweCOVID-19 asekhona.

Kukhanya kulabanye abantu abesaba ukuhlatshwa amajekiseni la, ikakhulu eyeSinopharm eyahluzwa kwele China. UMongameli Emmerson Mnangagwa uthi laye uzahlatshwa ijekiseni le njengoba ingabulali.

Facebook Forum

XS
SM
MD
LG