amalinks wokungena

Breaking News

Abantu Abanengi Bathi Kabalulandeli Uhlelo lweCOVID-19 eZimbabwe


Abantu baqhubekela phambili bezisebenzela njenganhlalayenza loba uhulumende esanda kuqinisa iziqondiso zokuvikela uzulu kumkhuhlane weCOVID-19.

Abantu abanengi bathi benza lokhu ngenxa yokuthi balamabhizimusi abo. UNkosikazi Sithabile Ndlovu, ophila ngokuthengisa impahla etshiyeneyo, ngomunye wabo.

“Okwenza abantu bengalandeli ama-rule lama-regulations of iLockdown, yindlala. Inengi labantu eZimbabwe liyazisebenza. Lokho kutsho ukuthi okuncane ebesikuthola, lokhe kusehla."

UMnu. Isaiah Moyo olumbono ofanayo.

“Sicela uhulumende enze lokho okumele kwenziwe ukuze lingamemetheki leligciwane njalo labantu lokho okumele bakwenze ukuze njalo bangalitholi. Okunjengokuthi bangaxhumani labantu lapho okulabantu abanengi khona njalo bafake lawo ma-mask esesibona angani akusenziwa kakhulu ma sibona abantu e-town lapha, emabhasini. Sebesenza angani i-Corona leyi iyehla, kukanti hayi, isesekhona. ”

Lokhu kugcizelelwe nguMnu. Jaohet Moyo, unobhala jikelele wenhlanganiso yeZimbabwe Congress of Trade Unions, othi kunzima eZimbabwe.

"Imisebenzi kayikho, labo abamabhizimusi bayakhuluma ukuthi bathwele nzima ukuthi ukuze bekwanise ke kumbe ukubhadala iholo eleneleyo njalo ukubona ukuthi bayakwanisa ukukhweza ke i-production lokuze phela lokhu esikkwenzayo phakathi kwelizwe, kumbe ngama-services abe ngama-services kumbe ama-products athengekayo, akwaniswa ngabantu abanengi, ayakhala abamabhizimusi. Imuli zithwala nzima ukuthi zithole ukudla, imuli zithwele nzima ukuthi abantwana bethole imisebeni, izisebenzi zithwele nzima ukuze zithole iholo elenelayo. ”

Uhulumende waqinisa iziqondiso zokuvikela uzulu kumkhuhlane weCOVID-19 ngoMvulo esithi usumemetheka ngamandla umkhuhlane lo osubulele abantu abedlula inkulungwane lengxenye – 1,640 eZimbabwe. Kulabantu abathathu ababulewe ngumkhuhlane lo elizweni izolo kwathi phose abangamakhulu amabili lamatshumi amane – 238 bahlolwe batholakala bele COVID-19.

Facebook Forum

XS
SM
MD
LG