Uhlangothi lwezempilakahle lubika ukuba kulabantu ababili ababulewe ngumkhuhlane weCOVID-19 izolo eZimbabwe kwathi abafika phose amatshumi amathathu – 28 bahlolwe batholakala belegciwane leCOVID-19.
Lubika ukuba bedlula inkulungwane ezine lengxenye – 4,677 asebebulewe ngumkhuhlane lo selokhu waqhamuka nyakenye eZimbabwe.
Luthi asebehlatshwe ijekiseni yakuqala eyokuzivikela kumkhuhlane weCOVID-19, bedlula izigidi ezintathu – 3.3 million kuthi asebehlatshwe eyesibili labo bedlula izigidi ezimbili lengxenye – 2.6 million.
Kulabantu abedlula inkulungwane ezilikhulu – 133,000 asebehlolwe eZimbabwe batholakala belegciwane leCOVID-19 kusukela ngoMbimbitho nyakenye.
Uhlangothi lwezempilakahle luthi abantu abafika inkulungwane ezilikhulu phose lamatshumi amathathu – 128,000 sebephephe kumkhuhlane lo.
Abaphila legciwane leCOVID-19 okwamanje bedlula amakhulu ayisithupha – 636.