Umsekeli kamongameli, uMnu. Constantino Chiwenga, uthi umkhakha wegciwane leCOVID-19, obizwa ngokuthi yiOmicron, selitholakele kuzulu eZimbabwe.
Inkampani yezindaba eyeReuters ibika ukuba uChiwenga wethule lokhu emsakazweni oweZimbabwe Broadcasting Corporation kusihlwa ngoLwesine.
UChiwenga katshongo ukuba igciwane leli limemetheka okunganani njalo lenani labantu asebebanjwe belegciwane leli elabikwa zingcwethi kwezemithi kwele South Africa kunsukwana ezedluleyo.
Amazwe amanengi entshonalanga asevalela abasuka eZimbabwe, South Africa, Botswana lamanye amazwe ukuba bengayi emazweni agoqela eleBhilithane, Melika, Germany, Australia, Italy lamanye.
EZimbabwe, uhlangothi lwezempilakahle luthi umkhuhlane weCOVID-19 sewabulala abantu abedlula inkulungwane ezinge lengxenye -4,707 kusukela ngoMbimbitho nyakenye.
Asebathapha igciwane leli bedlula inkulungwane ezilikhulu – 133,337.