amalinks wokungena

Breaking News

Izizalwane zeZimbabwe Ezithumela Imali Ekhaya Zifuna Ukuvota Kukhetho Oluzayo


Umbiko osanda kwethulwa luhlangothi lweZimbabwe National Statistics Agency (ZIMSTAT) uveza ukuba inani labeZimbabwe abahlala phandle kwelizwe elithumela imali ekhaya liqhubeka lokhe liqonga.

Ngalokho, abanye abaseBotswana, bathi uhulumende angeke aqhubeka elokhe esala ukuthi abasemazweni abayizizalwane zeZimbabwe bavote khona kumgceke ukuthi yibo abaphethe intuthuko yomnotho okwamanje.

IZIMSTAT ithi abantu abangaphezu kwengxenye ekhulwini (52%) abeZimbabwe abahlala ngaphandle kwelizwe baqhubeka bethumela imali ekhaya.

Kucatshangelwa ukuthi kulabeZimbabwe abaphose befike izigidi ezinhlanu, abangaphandle kwelizwe, asebehlala emazweni afana leSouth Africa, United Kingdom, eleMelika, Australia, New Zealand, Botswana lamanye.

Eminyakeni ka2015 lo 2016, iZIMSTAT ithi kwangena amabillion phose amane amadollar-$3,7billion, ithunyelwa ngabeZimbabwe abaphandle kwelizwe.

Lokhu, abanye abaseBotswana bathi kumele kube ngezinye zezizatho zokuthi uhulumende omutsha abavumele bevote besemazweni abahlala kuwo ngoba beyibo insika yentuthuko yenotho.

Imali iyahlupha kwele Zimbabwe lapho esilela khona ...
Imali iyahlupha kwele Zimbabwe lapho esilela khona ...

UNkosazana Siphoesihle Sibanda, yena ongumbalisi eGaborone, uthi uma uhulumende ethokoza ngemali ayithola ivela phandle, kathokozele ngandlela yinye amavoti abo.

“Abantu abangaphandle kwelizwe kumele bevunyelwe ukuvota ngoba uhulumende uyathola imali evela kubo, kodwa uma sekufika isikhathi sokuvota bafuna ukuba valela phandle okungalunganga. Nxa bengafuni ivoti yabo, kutsho lemali yabo kabangayifuni.”

UMnu. Stanley Ncube, laye usiza izihlobo ngemali nyanga lenyanga, uthi usizo oluvela phandle kwelizwe kumele lunanzwe nguhulumende.

“Sithi uhulumende weZimbabwe kasebenzise icommon sense avumele abangaphandle ukuthi bavote. Sikhangele ukuthi bathumela imali enengi, yibo ababambe umnotho ekhaya, ngoba isimo somkhonomi asikaqini eZImbabwe. Imali abayithumela ekhaya yiyo ebambe umnotho weZimbabwe, ngakho uma sikhangele amandla abo, kumele babelesandla kokwenzakalayo.”

Umongameli Emmerson Mnangagwa, ngesikhathi evakatshele kweleSouth Africa ngoMpalakazi, uthe uhulumende wakhe uyananzelela isibanga esidlalwa ngabaphandle kwelizwe.

Uhulumende sowengeze imbasela ayinikeza abathumela imali bengaphandle kwelizwe, kusuka kokuthathu ekhulwini (3%) kusiya kokulitshumi (10%)

UMnangagwa ucela ukuthi baze bazo vula amabhizimusi ekhaya ukuze bavuselele umnotho, kodwa okwamangalisa inengi, uhulumende kaMnangagwa uthi kalamali yokuthi avotise abangaphandle kwelizwe emazweni abahlala kibo.

Udaba Esiletthulelwe NguMartin Ngwenya
please wait

No media source currently available

0:00 0:02:44 0:00

Facebook Forum

XS
SM
MD
LG