amalinks wokungena

Breaking News

Abantu Bakhala Ngokukhahlanyezwa Kwabodokotela Nguhulumende kaMnangagwa


Doctors strike

Odokotela abakhalala umsebenzi bathi ukuxotshwa umsebenzi kwabanye babo abafika amatshumi ayisikhombisa lasikhombisa - 77, kuveza ukuthi uhulumende kalandaba labantu kwele Zimbabwe.

Odokotela abakunhlanganiso yeZimbabwe Hospital Doctors’ Association bethule umbiko lo ngoLwesibili kusihlwa. Bathi ukuxotshwa kwabodokotela laba abayingxenye yalabo abaqala ukukhalala umsebenzi mhla zintathu kuMpandula, yikuzama ukubethusela ukuthi babuyele emsebenzini.

Bakhangelelwe ukuthi bazakwenza umhlangano eParirenyatwa Hospital ngoLwesithathu lapho abazakhuluma ngodaba lolu.

UDokotela Paulinus Sikosana, umgcinisihlalo wenhlanganiso eqhatsha odokotela eyeHealth Service Board, uthi odokotela abaxotshiweyo bamiswe umsebenzi kulandelwa imithetho yelizwe.

Uthi umthethwandaba weLabor Court wakubeka sobala ukuthi odokotela laba, abafuna uhulumende akhuphume iholo labo, babaleka emsebenzini hatshi ukuthi kabala mali yokuya emsebenzini.

Odokotela bafuna iholo labo lilinganiswe lesisindo sedola leMelika emkambo wezemali eZimbabwe.

Kodwa uhulumende uthi kalamali yokukhuphula iholo labo. Abantu bathi kwephula inhliziyo okwenziwa nguhulumende. Omunye wabalombono lo nguMnu. Milton Ngwenya othi akuqedakali okwenziwa nguhulumende kaMnangagwa.

Kodwa uMnu. Malaki Nkomo webandla leZanu PF uthi kulabantu abanengi abafayo ngenxa yabodokotela abakhalala umsebenzi.

Kukhangelelwe ukuthi banengi odokotela abazaxotshwa umsebenzi ngesikhatshana esilandelayo njengoba uhulumende eqhubekela phambili ebathonisa amacala okubaleka emsebenzini.

Odokotela bathi kabala mali yokuya emsebenzini.

Odokotela Bathi Uhulumende Uyabethusela ...
please wait

No media source currently available

0:00 0:04:30 0:00


Facebook Forum

XS
SM
MD
LG