amalinks wokungena

Breaking News

Odokotela Batshaya Phansi Ngenduku Besithi Ababuyeli Emsebenzini


Odokotela

Odokotela abasanda kugqiba izifundo bathi abakenelisi ukubuyela emsebenzini ngoba uhulumende kalungisanga izikhalazo zabo zeholo elingeneli indleko yokuya emsebenzini lanxa umthethwandaba weLabour Court ngoLwesihlanu wethule isinqumo sokuthi babuyele emsebenzini insuku ezimbili zingakedluli.

Odokotela bahlangane esibhedlela seParirenyatwa ngoMvulo bethula umbiko othi bayafisa ukuya emsebenzini kodwa imali abayiphiwayo kayisayeneli indleko yokugada imitshova besiya emsebenzini nsukuzonke.

UDokotela Masimba Ndoro, umsekeli womkhokheli wenhlanganiso yabodokotela laba eyeZimbabwe Hopsital Doctors Association, uthi bayayihlonipha imithetho yelizwe kodwa abalayo imali yendleko yokuhamba emsebenzini.

“I-48 hours ebesiyiphiwe isidlulile kodwa kulusizi ukuthi silokhu singenelisi ukuthi sihambe emsebenzini. Sihlonipha umthetho welizwe kodwa asenelisi ukuthi siqhubeke sibuya emsebenzini ngoba asilayo imali yokuhambisa.”

UNdoro ukhuthaze uhulumende ukuthi akulumisane labo hatshi ukusebenzisa imithethwandaba ukubethusela.

“Sikhuthaza uhulumende ukuthi alungisise udaba lolu ngokuphangisa. Ukuzama ukuthenga isikhathi esithi ukukhalala kwethu umsebenzi akukho emthethweni akusoze kusize lutho. Inkulumo eziseqinisweni lohulumende yizo ezizenza sibe lempumela ezasenelisa ukubuyela emsebenzini.”

Ingcwethi ecubungula ezombusazwe, uMnu. Mlungisi Mabhena, uthe isinqumo seLabour Court esokuthi odokotela babuyele emsebenzini asisoze silethe inguquko.

Kodwa abanye bathi loba kulilungelo labodokotela ukuthi bakhalale umsebenzi bekhonona ngeholo, kusobala ukuthi uhulumende akalayo imali efunwa ngodokotela.

Odokotela sebelensuku ezedlula amatshumi amane bekhalala umsebenzi bekhala ngeholo eliphansi elingeneli ukuthi baye emsebenzini. Kodwa uhulumende uthi akayenelise imali efunwa ngodokotola.

Imizamo yokukhulumisana lomphathintambo wezempilakahle uDokotela Obidiah Moyo yehlule ngemva kokubambeka emihlanganweni etshiyeneyo.

please wait

No media source currently available

0:00 0:03:03 0:00

Kambe kuzaphethanga ngani ukutshengisela kwabodokotela?

Sixoxe lengcwethi ecubungula ezombusazwe, uMnu. Mbuso Fuzwayo, njalo oyisiphathamandla senhlanganiso yeIbhetshu Likazulu ukuze sizwe imbono yakhe ngaloludaba.

please wait

No media source currently available

0:00 0:01:53 0:00


Facebook Forum

XS
SM
MD
LG