amalinks wokungena

Breaking News

Abakabuyeli Emsebenzini Odokotela Abakhalale Umsebenzi Abenze Umhlangano Lomka Mongameli


Odokotela
Odokotela

Odokotela, abaphakathi kokukhalala umsebenzi, bathi akusiloqiniso ukuthi sebebuyele emsebenzini ngemva kokukhulumisana loNkosikazi Auxillia Mnangagwa, umka mongameli welizwe.

Isikhulumeli sabodokotela laba, uDokotela Ellias Muzoremba, utshele intathelizindaba ngemva komhlangano wabo ukuthi bacele uNkosikazi Mnangagwa ukuthi ahambise kweziphathamandla zikahulumende isicelo sokuthi kukhona okumele kulungisiswe okulutshwana andubana babuyele emsebenzini.

Sixoxe lomphathi wesibhedlela seMpilo Central Hospital, uDokotela Solwayo Ngwenya, othi odokotela asebaqeda izifundo abakhalalanga umsebenzi njalo kusukela ngeviki ezayo bazabe beselapha lemikhuhlana efana lemvukuzane njalo okwakathesi bayelapha abalimele kakhulu labomama abakhulelweyo bayabelethiswa.

"Odokotela laba abakhalale umsebenzi abakaphenduki emsebenzini. Sizwe amahungahunga ukuthi bebekhuluma bese Harare njalo lokwana okwakuthiwa ama senior doctors ajoyine istrike hayi ayisikho ama senior doctors ayasebenza."

Uthi basebenza gadalala njalo bakhangelele ukusiza impilo yabantu lanxa kulobunzima njalo abazi ukuthi udubo lolu luzaphetha ngani njalo nini.

Uthi abakuqakathekisayo yikuhlola abantu abaza bethwelenzima lokhu okuthiwa yi-emergency ngeSilungu.

UNgwenya uthi unzima umsebenzi ngenxa yokukhalala umsebenzi kwabodokotela abangakaqedi izifundo zabo.

"Ukuthi bengabuya siyafisa sibili ukuthi bazosebenza njengalokho akade sikwenza. Kodwa nxa bengabuyanga asingeke sigoqe izandla siyekele abantu betshabalala," kutsho uNgwenya.

please wait

No media source currently available

0:00 0:02:10 0:00

XS
SM
MD
LG