Ingcwethi ezicubungula ezombusazwe zithi ukusetshenziswa kwebizo elithi MDC Alliance akulankinga njalo akulamthetho ongasetshenziswa ngabe Zimbabwe Electoral Commission ukwala ukwamukela amabandla ayabe elebizo eliphose lifanane lalo.
Eyinye yalezingcwethi, uMnu. Rejoice Ngwenya, owenhlanganiso yeCoalition for Market and Liberal Solutions Zimbabwe, uthi kuyamangalisa okwenziwa libandla leMDC-T.
“I-ZEC kayifanelanga ivume ukuthi i-MDC T, incintise njenge MDC Alliance ngoba vele bona bazithi yi MDC-T, banikwa imali kuParliament under the Political Finance Act, njenge MDC-T. Bafanele bayencintisa njenge MDC-T, kanti bayesabani ibizo labo?. Kabatshiyane lebizo le MDC Alliance, kayisilo labo. Nxa befuna ukulisebenzisa, bazamele babuyele futhi bayengena ku MDC Alliance.”
Kodwa isikhulumeli seMDC-T, uMnu. Witness Dube, uthi akulamuntu okumele asebenzise iMDC Alliance kukhetho.
“Ukuthi bekuyekelelwa nje kube komhlambi kazalusile, munye lamunye elithatha, yikho okwenze ukuthi ibandla eliphikisayo elikhulu kangaka lidilike, lihlale minyaka yonke lifaka abameli lehlukene. Kuyabe kusenziwa yikhonokhu ukuthi abantu bayabe bekhangele ukuthi bangaze baphume bengalandeli izinqumo le-Constitution eye MDC, bayakwanisa ukuthi nxa sebefika ku election, balithathe lelobizo, badilize ibandla bazenzele umathanda. Ngakho, thina njengebandla elisemthethweni lobukhokheli obusemthethweni, sizama ukukulungisisa khonokho.”
UMnu. Felix Magalela Mafa, umsekeli wesikhulumeli seMDC-T, uthi bayakwazi abakwenzayo.
“I-MDC Alliance, kayikhulunyelwa nguMwonzora njalo thina asikhulumeli iMDC-T. Konke lokho kuzobonwa ngesikhathi sesichaphe i-bridge. Why worry, let us all wait and see after crossing the bridge, sizakhuluma ngakho. Asifoswa nguMwonzora. ”
UMnu. Nqobani Sithole, igqwetha elilwela ilungelo loluntu, uthi akuqedakali okwenziwa libandla leMDC-T.
“If he wants that to be declared, kumele aqale ahambe eCourt, he can not declare himself, kahambe ekantolo ayebika indaba yakhe, bonke laba abanye kade belisebenzisa lelo bizo, angithi, bahambe labo enkantolo, bayekulwa ngendaba yona leyo. So, i-court inqume ukuthi ongaba lebizo lona leli uMwonzora athi lisebenze ngayo, ngubani. So, it’s his declaration eme yedwa, hayi, it’s of no legal consequence. Ngakho ke, lize nje, ngumuntu olephupho elibi njalo esikukhangeleyo emthethweni yikuthi, there is no such declaration. Ungakuthatha ukuthi ngumuntu oseyenze i-intention but that intention per say, is not the position at law. ”
Isikhulumeli salenhlanganiso yeZEC, unkosikazi Leticia Joyce Kazembe, ongathandanga ukuthatshwa amazwi, uthi kabakahlolisisi udaba lolu.
Uthi banengi abantu abafisa ukuba kwazi ukuthi kuzakwenziwani ngebizo leMDC Alliance ngesikhathi sokhetho.