amalinks wokungena

Breaking News

Kambe uMnangagwa Usephelelwe Ngumphako Na Kwezokuvuselela Umnotho?


UMongameli Emmerson Mnangagwa ekhuluma labosomabhizimusi

Umhlangano owenzwe nguMongameli Emmerson Mnangagwa lenkokheli yabosomabhizimusi esigodlweni sakhe ngoMvulo wamukelwe ngabanye lobanje kulezinye izizalwane zeZimbabwe ezithi lumhlangano uveze sobala ukuthi uMnangagwa usephelelwe ngumphako kumizamo yokuvuselela umnotho welizwe oqhubeka ugugudeka ngamandla.

UMnangagwa kaphanga macebo awokuthi kumele kwenziweni kodwa waqinisa elokuthi uzulu labosomabhizimusi akumelanga bethuswe yikuthi lasiphi isikhathi imali engasodola leMelika izakuba ingasasetshenziswa.

Kanti kungani uMnangagwa engatshelanga osomabhizimusi ukuthi kwenziweni? Usephelelwe ngumphako na?

UMnu. Joseph Tshuma, ilunga lebandla leZanu PF, uthi uhulumende uzama ngamandla wonke ukuthi kuvuselelwe umnotho welizwe.

Usomabhizimusi wako Bulawayo, uMnu. Matson Hlalo, uthi sokulempawu ezikhomba ukuba umthwalo unzima kwezomnotho kulalokho okwakucatshangelwa ngabaphethe intambo zombuso.

UHlalo uthi imizamo esetshenziswa ukuvuselela umnotho welizwe nguMnangagwa ayehlukananga laleyo eyayisenziwa kumbuso kaMnu. Robert Mugabe owasuswa embusweni ngoLwezi nyakenye.

Owalwa impi yenkululeko, uNkosikazi Queen Maligwa, uthi osekuphazamise ukuthuthuka komnotho yikuthi inkokheli iyahwaba ihuquluza inotho kungakhathalekile lokuthi uzulu usebunzimeni obukhulu.

UMnangagwa uthembise osomabhizimusi akade besemhlanganweni ngoMvulo ukuthi ubunzima obukhona buyedlula ngokuphazima kweso ngoba uhulumende wakhe selamacebo angahlenga ilizwe.

please wait

No media source currently available

0:00 0:04:56 0:00

Facebook Forum

XS
SM
MD
LG