amalinks wokungena

Breaking News

‘UMnangagwa Uyazama Ukuvuselela Ubudlelwano beZimbabwe Lamanye Amazwe’


UMongameli Emmerson Mnangagwa.

Inengi lezizalwane zeZimbabwe lithi uhulumende kaMongameli Emmerson Mnangagwa usesebenze nzima ukuvuselela ubudlelwano beZimbabwe lamazwe omhlaba kodwa kusasekunengi futhi okusafanele kwenziwe ukukhanga amankampani aziwayo emhlabeni jikelele kwezamabhizimusi.

Ngokutsho kwenengi lezizalwane zeZimbabwe ubudlelwano beZimbabwe lamazwe omhlaba lezinye inhlanganiso emhlabeni jikelele bubukeka ngcono kakhulu kulesikhathi obebuyikhokhona phansi kukahulumende kamnumnzana Robert Mugabe.

UMongameli Emmerson Dambudzo Mnangagwa usemhlanganweni weUnited Nations General Assembly eNew York, September 26, 2018. (AP Photo/Frank Franklin II)
UMongameli Emmerson Dambudzo Mnangagwa usemhlanganweni weUnited Nations General Assembly eNew York, September 26, 2018. (AP Photo/Frank Franklin II)

Abanengi bathi, ukuvunyelwa kwamazwe omhlaba ukuzoqapha ukhetho olusanda kwedlula, ukukhulumisana lenhlanganiso yeCommonwealth ukuze iZimbabwe yemukelwe njalo njengelunga, kanye lokuthola inhlanganiso ezifana leEuropean Union lamazwe anjengobo Germany kuthiwa alamaqula ezobheka amathuba okudlelana leZimbabwe, ngezinye zempawu ezitshengisa ukuthi uMnangagwa usesebenze nzima ekuvuseleleni ubudlelwano lobu.

Kodwake ingcitshi kwezombusazwe uMnu. Gideon Chitanga uthi, phezu kwalobubuhle osebenziwe, kusasekunengi okusafuneka kwenziwe singakaboni osomabhizimusi begcwala phamu elizweni.

“Umnotho wethu ukhathaza abanengi ikakhulu nxa kukhangelwa ubunengi bezisebenzi zikahulumende. Ukwehluleka kukahulumende ukubhadala izikwelede zakhe ngenye yemigoqo evimbe ukuthi akwelediswe imali yentuthuko. Umnotho wethu kufanele uhlelwe kabutsha ngendlela ekhombisa ukuzinikela ekwakheni isimo esizakwemukeleka emazweni omhlaba.”

Le yinto egcizelelwa ngumnumnzana Mbuyiseni Moyo laye othi bayayibona imizamo kamongameli.

“Engikubonayo mina yikuthi indodale isitshone yatshona phansi phezulu ikhulumisana lamanye amazwe kodwa asikaboni okubambekayo ngobanje kulalesi isifo esikhona manje esecholera. Abantu akhulumisana labo behluleke ukumnikezanje ipenny ukuthi sithole usizo kubafowethu abafayo manje.”

Esinye isizalwane seZimbabwe uProfessor Muyambo uthi ukuphoselana inyoka ephilayo lokukhwincelana izidwaba okwenzeka phakathi kweMDC Alliance lohulumende kaMnangagwa ngenye yezinto okufanele ilungiswe ngesiphangiphangi ngoba kutshiya abafuna ukusungula amabhizimusi bengasazi ukuthi kuyiwa phambili loba emuva.

“Ngithi okwamanje mina ngibona engazani ilizwe lethu akukalungi lutho. Asikalungiseki thina ngaphakathi. Kwezombangazwe, umbusazwe kulokuxokozela, abantu abazwanani, kuyaxatshanwa, siyathukana. Asiqale silungisise thina ngaphakathi.”

Udaba Esilethulelwe NguBenedict Nhlapho
please wait

No media source currently available

0:00 0:03:35 0:00

UMnu. Greatman Mkhwebu yena uthi uyathokoza ngendlela abeZimbabwe abasemazweni abaphitsheka ngayo ngelizwe labo esithi bengekho aluba uhlupho lwabantukazana elizweni

Kukhonake abanye bathi kudingeka uhulumende abaphe amathuba angcono abangaphandle kwelizwe laba ukuze basibone isizatho sokuyahlanyela imali yabo ekhaya. Abanye bathi kudingeka uhulumende aqinise isandla ekubopheni bonke abaphatheka kunkohlakalo okungenye yezinto ekhanga kakhulu abafuna ukuzosungula amabhizimusi elizweni.

Facebook Forum

XS
SM
MD
LG