amalinks wokungena

Breaking News

Emmerson Mnangagwa: Umuzi Ozatholakala Ulamawuwu Basop!


UMongameli Emmerson Mnangagwa.

UMongameli Emmerson Mnangagwa usetshiye abanye bebambe owangaphansi ngamazwi akhe awokuthi kumele abantu bazihlanze kanye lezindlu zabo esithi umuzi ozatholakala ulamawuwu bazabotshwa abanikazi bawo.

UMnangagwa ubekhuluma eseMpandawana esigabeni semaphandleni eGutu kuhlelo lokuhlanza ilizwe olwenziwa ekuqaleni kwenyanga sikhathi sonke.

Abanye bathi amazwi la abengawokuhaba nje kodwa kulabanye njalo abathi angabeqinisile ngoba emkhosini ofanayo kunyanga ezimbalwa ezisanda kwedlula, uMnangagwa watshela uzulu ukuthi kumele athenge imibhida lamagwili nxa esehluleka ukuthenga inyama.

UMnangagwa uphinde wakhuthaza amakhansili ukuthi abelenhlelo zokuhlanza izigaba.

Kolunye udaba olufanayo, umkhokheli webandla leMDC, uMnu. Nelson Chamisa, wehlulekile ukuyafika emzini weEpworth kuhlelo lokuhlanza ilizwe lokuhlanyela izihlala olwenziwa yilelibandla ekuqaleni kwenyanga sonke isikhathi.

Kubikwa ukuthi bekugcwele amapholisa ahlomileyo avimbe uChamisa ukuthi afeze uhlelo lwebandla lakhe.

Lanxa uChamisa eyehlulekile ukuyafinyelela indawo lapho akade kumele kuhlanyelwe izihlahla kubikwa eyinye inkokheli labasekeli bebandla leli benelisile ukuhlanyela izihlahla.

UMnu. Nkululeko Sibanda uthi uhulumende kaMnangagwa uzama ngamandla wonke ukuthi avimbe inhlelo zebandla leli.

please wait

No media source currently available

0:00 0:01:41 0:00


Facebook Forum

XS
SM
MD
LG