amalinks wokungena

Breaking News

IMopane Foundation Ibhadalela Intandane Imali Yezifundo


Mopane Foundation

Kuhlelo lwezizalwane zeZimbabwe ezihlala emazweni, ngoLwesithathu sixoxe labenhlanganiso yeMopane Foundation abaphandela abantwana besikolo abazintandane imali yezifundo lokunye okusetshenziswa yizifundi.

Inhlanganiso le isungulwe eBhilithane kunyanga ephelileyo lapho eyenelise khona ukuthola imali ethe xaxa yokubhadalele abantwana abanenganyana imali yezifundo.

IMopane Foundation ibivele ibhadalele abantwana abayisikhombisa ingakasungulwa okusemthethweni. Ikhangelele ukuthi izancedisa abantwana abanengi ngokuhamba kwesikhathi. UNkosazana Nomsa Nekevane utshele iStudio 7 ukuthi bazama ngamandla wonke ukuthi badingele uncedo abantwana laba ezabelweni zeMatabeleland North leMatabeleland South.

Uthe, “Sathi sisungula inhlanganiso yethu lomayor weSheffield wabuya ukuzosincedisa. Senelisa ukuthola imali eyenelisa ukuthi sincedisa abanye abantwana abafika amatshumi amabili lanhlanu.

“Okwamanje sincedisa amayisikhombisa. Lokhu kutsho ukuthi sizakwenelisa ukuncedisa abantwana abalitshumi lambili ngomnyaka ozayo.”

Uphinde wathi isifiso sabo yikuthi bancedise abantwana abanengi njalo babakhele indawo yokuhlala ukwenzela ukuthi kubelabantu ababakhangeleyo isikhathi sonke.

XS
SM
MD
LG