UFrederick W. deKlerk, owabangowokucina ukukhokhela uhulumende wobandlululo kwele South Africa, kasekho.
Inkampani yezindaba eyeAssociated Press ibika ukuba u-de Klerk ubhubhele endlini yakhe namuhla duzane ledolobho le Cape Town.
IF. W. de Klerk Foundation ibika ukuba ubulewe ngumkhuhlane wemvukuzane yamaphaphu.
Ude Klerk wethusa umhlaba wonke jikelele ngomnyaka ka1990 esanda kungena ewofisini kamongameli ngokwethula udaba lokuthi sokuzavunyelwa ukuba ibandla leAfrican National Congress lisebenze okusemthethweni.
Waphinda wabikela idale lephalamende ukuba uhulumende wakhe uzakhulula uNelson Mandela, owayesevalelwe entilongweni okweminyaka engamatshumi amabili lasikhombisa – 27.
Ude Klerk loMandela bathola isicoco seNobel Peace Prize ngomnyaka ka1993.