amalinks wokungena

Breaking News

Sokuvuselelwa Isikolo seGohole Primary School


Abafunda esikolo seGohole Primary School bafuna ukuthuthukisa isikolo lesi.
Abafunda esikolo seGohole Primary School bafuna ukuthuthukisa isikolo lesi.

Ababefunda esikolo seGohole Primary eMaphisa eKezi, eMatabeleland South, bathi bazaqeda ikhefu leKhisimusi bedinga usizo lokuthuthukisa isikolo lesi.

Ngalesisikhathi inengi labasebenza kwele South Africa sebebhekisa amabombo ekhaya ukuyakudla amakhumukhumu lezihlobo labangane, abafundi abafunda esikolo seGohole Primary baphakathi kokuzingela usizo lokuthuthukisa isikolo lesi.

Umgcinisihlalo wenhlanganiso yeGohole Old Students Association, uMnu. Mbekezeli Moyo, uthi abafundi bakulesi isikolo bahlupheka baze baswele ngitsho lezitulo lamatafula.

“Sakubona kuqakathekile ukuthi sibe lenhlangano efana layonale encedisa abazali, incedise abantwana bethu abafunda esikolo esafunda kuso thina. Thina asizanga silithole ithuba lokuncediswa ngabantu kodwa sizama ukuthi sithuthukise isikolo sethu ngokubona ukusilea kwezinto uhulumeni ngendlela asilela ngakhona ekuncediseni ezikolweni.”

UNkosazana Edlove Sibindi, laye owafunda kulesi sikolo, uthi uncedo abaludingayo lugoqela amabhuku okubala, isamende sokuvuselela izindlu zokufundela, imali yokwakha ihofisi, ucingo lokuvikela isikolo lesi, kanye losizo oludingwa ngabafundi abahluphekayo.

Ngakwelinye icele, uMnu. Bhekiwe Xaba Ncube, uthi bona njengabafundi abadala sokukunengi asebekwenzele isikolo sabo. Lokhu kugoqela ukuthengela abanye abantwana ama unifomu, amabhuku, okokubhalisa, impahla zemidlalo yenguqu, lempahla ezisetshenziswa ngamantombazana nxa esesikhathini.

“Ngicabangela ukuthi ngalokhu kuhlangana esikwenzayo, sizaba lawo ama president azophuma esikolweni leso, lama corporate leaders azoba khona esikolweni leso, lamacommunity leaders azaba khona esikolweni leso ngoba bonke labo bantu ukuze babe effective kucommunity, sidinga ukuthi labo bantu babe befunde kahle iprimary education.”

Lesi sikolo sakhiwe ngo1954 kanti abafunda khona kudala laba bathi bafuna sibe ngesinye sezikolo ezibatshazwayo kwele MaNdebeleni. Bathi ngokuthola uxhaso olweneleyo, lesisikolo, sizokhanga ababalisi abawaziyo umsebenzi okuyinto ezakwenza impumela yabantwana ibemihle kubacandele ikusasa enhle.

Abafunda eGohole Primary School Bafisa Ukuthuthukisa Isikolo Lesi
please wait

No media source currently available

0:00 0:02:44 0:00


XS
SM
MD
LG