UNkosikazi Grace Mugabe usezihambise apholiseni eJohannesburg kulandela ukutshaya kubi kwakhe intombazana ayithole ilomntanakhe, uBerlamine Chatunga Mugabe, owazazakala kakhulu ngokuthanda ukunatha utshwala.
Intathelizindaba zeReuters zibika ukuthi uNkosikazi Mugabe uzihambise emapholiseni kulandela umbiko owethulwe ngumphathintambo wezamapholisa, uMnu. Fikile Mbalula, othe kumele aye enkambeni yamapholisa ngokutshetsha.
UMbalula ubekubeke sobala ukuthi angayekela ukwenza lokho uzabotshwa uNkosikazi Mugabe.
Wetheswa icala lokuthi unakanelwa ukuthi watshaya uNkosazana Gabriella Engels ngempelaviki ngentambo kagetsi elesiduku sensimbi wamlimaza ekhanda aze amthole eloChatunga ewoteleni lapho umfanyana lo ahlala khona lomnewabo uRobert Mugabe Junior.
Icala leli lisemthethwandaba we Wynberg Magistrate's Court.
Ababili laba baziwa kakhulu ngokunatha utshwala, lokubhema igwayi bezilibazisa belabesifazana.
UChatunga ukrwaphuma kumabonakude webulenjini be Internet obeYou Tube ezidakazela utswhwala esithi abantu kabehlukane lempilo yakhe ngoba kazakadle endlini zabo.
Ubesenza lokhu labangane bakhe lentombazana.