Imizamo kahulumende yokuthi udaba lwe Gukurahundi lungazaba yinsindabaphenduli ngokuvumela abathintwa yilumbhuqazwe ukuthi bathole incwadi zokuzalwa lokunye solusolwe ngabanye abadabuka esigabeni seMaNdebeleni.
UMnangagwa wenza umhlangano lenhlanganiso ezizimeleyo koBulawayo eziphansi komanyano weMatabeleland Collective bexoxisana ngodaba lolu kwathi ngoMvulo wasethumela isiphathamandla sakhe kugatsha lwezomthetho, uNkosikazi Virginia Mabiza, ukuya kwethule osekuzenziwa ngodaba lolu okubalisa ukuthi uzulu usekhulekile ukuxoxa ngombhuqazwe weGukurahundi.
Umkhokheli webandla leMthwakazi Republic Party, uMnu. Mqondisi Moyo, uthi akukedluli inyanga ezimbili bedilizelwe ibhakane abalifaka eBhalagwe eliyisikhumbuzo sokubulawa kwabantu ngesikhathi sombhuqazwe weGukurahundi.
