amalinks wokungena

Breaking News

Kuqoqwa Umhlangano Wokuhlolisisa Umbhuqazwe weGukurahundi


Ezra Sibanda

Abenhlanganiso ebona ngokulondolozwa kwamalungelo oluntu eBhilithane, eyeMthwakazi 1893 Human Rights Restoration Movement, balomhlangano wabo omkhulu wokuzokhuluma ngombhuqazwe weGukurahundi okwabulawa khona inkulungwane lenkulungwane zabasekeli bebandla leZapu ezigabeni zeMatabeleland leMidlands.

Umhlangano lo, obizwa kuthiwa yiMatabeleland Gukurahundi Genocide Conference, wenzelwa edolobheni leLuton eNgilandi.

Isikhulumi esiqakathekileyo esimenyiweyo nguMnu. Moses Mzila Ndlovu, owakewaba ngumsekeli kamphathintambo wezangaphandle kwelizwe ngesikhathi sohulumende womanyano, njalo ungomunye owalwa impi yenkululeko engaphansi kwebandla leZapu kukanti ulokhu ekhona kwezombusazwe.

UMzila Ndlovu, okhokhela ibandla elithiwa Alliance for National Salvation, uyatshiseka ngendaba yombhuqazwe.

Unobhala jikelele obona ngokwethulwa kwemibiko kunhlanganiso yeMthwakazi 1893, uMnu. Thembani Dube uthi abantu bazaphiwa ithuba lokwethula ababhekana lakho ngesikhathi sombhuqazwe weGukurahundi.

“Ngokukhanda amazwi ukuthi kwenziweni ngaleGenocide eyehlela abantu bakithi izigigaba zonke lezi ezehlela abantu bakithi. Okunye futhi yikuthi abantu babelethuba lokukhuluma ukuthi kwenzakalani kibo, nni, ngasikhathisini, kuziphi izigaba. Sikhangelele ukuthi abantu bake bahlanganise amakhanda bakhande amacebo lamasu ukuthi udaba lolu singalubamba njani njengesizwe sakoMthwakazi.”

Inengi labantu lithi sokuyisikhathi sokuthi uhulumende kaMongameli Emmerson Mnangagwa kukhulunywe laye ngaloludaba kodwa uDube uthi cha.

“Inhlanganiso ye 1893 Mthwakazi Human Rights Restoration Movement kayiboni indingakalo okwamanje ukuthi ikhulume lohulumeni weZimbabwe. Indingakalo ekhona yikubutha abantu ibahlanganisa ngoba abantu bachithwachithwa yiGukuraundi Genocide, so yiso isikhathi sokubutha abantu sokubutha isizwe, sikhangele lolodubo. Silukhangele ukuthi udubo lolu oluphambi kwethu singalulungisa kanjani, macebo bani esingawakha ukuthi udubo lolu lulungiswe. Yikho lapho esigxile khona.

Umhlangano lo uvulelwe abantu bonke kungakhathalekile ukuthi ngubani kumbe usekela liphi ibandla.

Udaba lombhuqazwe weGukurahundi soluhluphile kakhulu kulezinsuku. Kukhanya inkokheli lohulumende kathakazeleli ukukhuluma ngalo kuloba abantu bekhonana nsukuzonke.

Facebook Forum

XS
SM
MD
LG