amalinks wokungena

Breaking News

'Babuthundu Abagadli Beqembu leBosso'


UMandla Lulu Mpofu, umqeqetshi weqembu leHighlanders Football Club. (VOA)

Umqeqetshi weqembu lomdlalo wenguqu eleHighlanders uMandla Mpofu ukhathazekile ngokungenelisi ukulitshayela emambuleni kwabagadli beqembu lakhe.

Iqembu laMahlolanyama lizadibana leqembu leBulawayo City ngeSonto emdlalweni walo owesithathu kumncintiswano weChibuku Super Cup. Umqeqetshi walo uMpofu uthi kuzamele abadlali bakhe babe bukhali bengabhekana lamambule.

“Ngiyathaba angikahlohlwa kodwa angikahlohli amagoli engingabe ngiyawafuna. Ngenelise ukuhlohla igoli elilodwa sidlala leChiefs. Yikho lapho engibona ukuthi kumele ngisebenze gadalala njengomqeqetshi ukuze ngibone ukuthi ngingathola njani amadlulelo awokuthi ngiyefika phambili sithole amagoli.

“Yikho ke lapho okumele sisebenze ngakho nxa sizilolonga njalo sisebenza ngakho ilanga lize liyetshona sizama ukuthi sithole amagoli,” kutsho uMpofu.

Kweminye imidlalo yeChibuku Super Cup edlalwe ngoLwesithathu, iqembu leWhawha leleTriangle abe ngutshiki lobhanqa 1 ka 1, okutsho ukuba womabili lawa maqembu athole umklomelo wawo owakuqala kusibaya sika Group 4 njengoba enqotshwe kumidlalo emibili abeyidlale phambilini.

Kusibaya sika Group 1 iqembu leDynamos linqobe eleZPC Kariba nge 1 ka nya okutsho ukuba selibuyele layahlala esiqongweni sengalane yemiklomelo lilemiklomelo eyisikhombisa kuthi ngemva kwalo kuleqembu leCaps United lona elinqobe eleHerentals nge 2 ka 1 ngoLwesithathu.

Kusibaya sika Group 4 iqembu leNgezi Platinum Stars yilo eselihlezi phezu kwengalane ngemva kokunqoba eleFC Platinum nge 2 ka 1 emdlalweni obusenkundleni yeMandava.

Iqembu leNgezi Platinum lilemiklomelo eyithoba munwe munye kuthi ele FC Platinum lilemiklomelo eyisithupha njalo eleFC Platinum liqede selilabadlali abasilele ngoyedwa ngemva kokuba imvimbi uGift Bello etshengiswe ikhasi elibomvu.

Imidlalo yeChibuku Super Cup iqhubekela phambili ngoMgqibelo lapho iqembu leHarare City elizangqikilana khona lele Herentals enkundleni ye National Sports ngehola letshumi lanye ekuseni, iqembu leManica Diamonds lizatshukana lele Black Rhinos ngehola lakuqala emini enkundleni yeSakubva kuthi emini ngehola lesithathu iqembu leBulawayo Chiefs lizabondana lele Chicken Inn enkundleni yeBarbourfields.

NgeSonto iqembu leYadah lizadlala leleZPC Kariba enkundleni ye National Sports ngehola letshumi lanye ekuseni, iqembu le ranborne Bullets lizadibana lele Tenax ngase Sakubva ngehola lakuqala emini kuthi ngesikhathi esifanayo iqembu leHighlanders lizadlala lele Bulawayo City eMagumeni.

Ngehola lesithathu emini kulomdlalo ogobhozisa amathe enkundleni ye National Sport Stadium lapho iqembu le Caps United elizadibana khona lele Dynamos.

Facebook Forum

XS
SM
MD
LG