amalinks wokungena

Breaking News

Abadlalela Iqembu leBosso Bathi Kabavunyelwa Ukulibukela Bengahlawulanga Imali Yokungena Enkundleni


UCosmas Zulu wake waba ngumqeqetshi weqembu leHighlanders. (Photo: Joseph Njanji)

Bakhala ngokubhadaliswa nxa befuna ukubukela ibhola ababengabadlali bomdlalo wenguqu.

Ekhuluma ngesikhathi kuqhutshwa inkonzo phambilini kokubekwa kowayengumqeqetshi weqembu leHighlanders uBarry Daka koBulawayo ngoLwesithathu, umqeqetshi olodumo uCosmas “Tsano” Zulu usole indlela ababedlalela iqembu leHighlanders abaphathwa ngayo nxa befuna ukubukela leliqembu.

FILE: Abaqeqetshi abamiswe umsebenzi liqembu le Highlanders uCosmas
FILE: Abaqeqetshi abamiswe umsebenzi liqembu le Highlanders uCosmas

“Ngifuna ukukhuluma kubakhokheli beqembu leHighlanders into eyenze uBarry efe engayithabelanga iHighlanders. Iqembu leHighlanders lithe lidlala leChapungu ngahamba ebholeni bangiyalela ukungena. Bangixotsha ngaphuma. Bakwenzile khonokho laku Barry. Uze wafa encenga ukungena ebholeni abukele iHighlanders. Waze wathi kimi, ‘Tsano kambe shuwa sesihlupheka ukungena sibukele ibhola sixotshwa ngobhare abangazi lutho ngeHighlanders.”

UTsano, osesebenzela iqembu leNgezi Platinum Stars lapho aqeqetsha onozinti, uthe abanye ababedlalela iqembu leBosso kabasazihluphi ukuyabukela umdlalo webhola ikanti abanye abafana loLawrence Phiri sebehamba kuphela nxa bephelekezelwa ngumongameli waleliqembu uNdumiso Gumede.

ULawrence Phiri wake waba ngumqondisi weBosso.(Joseph Njanji)
ULawrence Phiri wake waba ngumqondisi weBosso.(Joseph Njanji)

UPhiri uthe kungaba kuhle ukuthi baphathwe ngemfanelo ngoba balolwazi olujulileyo kwezomdlalo wenguqu ongenceda iqembu leHighlanders lelizwe lonke jikelele.

“Ngemfundo esayitholayo kanye lokukhuliswa esakwenziwayo kuqembu leHighlanders aluba siyathola ithuba elokuthi siqhubekele phambili sincede kungatsha ezinengi zeqembu.

Ulwazi esilalo esaluthola kulabo asebadlulayo lungaba luncedo kakhulu kodwa inkinga basivalela phandle, bayethuka nxa bebona sekusondela abadlali asebathatha umhlala phansi.”

Owayengunozinti weqembu leHighlanders, uJohannes Tshuma, oke walisebenzela futhi leliqembu engumqeqetshi wabonozinti, uthe inkinga ababhekana lazo nxa bezama ukungena enkundleni bebukele ibhola yikuba akugcinwa imbali eyomdlalo wenguqu kwele Zimbabwe.

UJohannes Tshuma wake waba ngunozinti weqembu leHighlanders. (Photo: Joseph Njanji)
UJohannes Tshuma wake waba ngunozinti weqembu leHighlanders. (Photo: Joseph Njanji)

“Kumele kuqale ngamaqembu ukugcina imbali yabadlali ezahanjiswa kunhlanganiso yeZIFA layo yenze okufanayo ngoba lokhu kuzakwenza kube lula ukuba siphathwe kuhle. Thina esiseleyo kuzamele sikhulumisane lenhlanganiso yeFootballers’ Union of Zimbabwe ukuze idinge indlela eyokuba isikhangele isondle endabeni ezinje.”

Abaphathintambo beqembu leHighlanders bathe inhlanganiso yePremier Soccer League yiyo ephethe imidlalo ngakho-ke kabalalwazi ngokuthi kumele benzene ngabadlalela iqembu leBosso.

UDaka ubhubhe mhla zilitshumi lambili kuyonale inyanga kaMbimbitho njalo ubekwe emathuneni eLady Stanley edolobheni lako Bulawayo.

Lumqeqetshi wadlalela amaqembu abalisa eleHighlanders, Hwange kanye leOlympics. Wake waba ngumqeqetshi waqembu ambalwa kwele Zimbabwe abalisa eleOlympics lona elatshintsha igama laba yiSupersonic, iHighlanders kanye leRailstars. Uke waqeqetsha leqembu lesizwe lamaqembu ambalwa kwele Botswana lapho aphakamise isicoco seLeague eqeqetsha iqembu leEcco City. UDaka wedlule emhlabeni eseleminyaka engamatshumi ayisikhombisa lowodwa.

Bayakhala Abadlalela Iqembu leHighlanders
please wait

No media source currently available

0:00 0:03:36 0:00


Facebook Forum

XS
SM
MD
LG