Ekuqhubekeni kwendaba zeStudio 7 eziphathelane lesimo sezombusazwe eZimbabwe ngoLwesithathu besilebandla lePeople’s Democratic Party elithi kumele ilizwe lizame ngamandla wonke ukuthi likhuthaze abantu abahlala kwamanye amazwe ukuthi bavule amabhizimusi kulo ukwenzela ukuthuthukisa umnotho.
Umsekeli womphathintambo webandla leli, uMnu. Samuel Sipepa Nkomo, uthi ibandla leZanu PF liyehluleka ukwenza lokhu ngenxa yokuthi lidlelana lamazwe empumalanga kuphela.
'Kodwa-ke akulahlwa mbeleko ngokufelwa. Lelilizwe lilakho ukuvuka lithuthuke njengamazwe enjenge South Africa, Botswana lamanye esiyakhelane lawo."
Uthe ugwalo lwabo lokuthuthukisa umnotho weZimbabwe olwe HOPE lukubeka sobala ukuthi kumele kwenziweni ukwenzela ukuthuthukisa umnotho welizwe.
Uphinde wathi balesinye ingwalo ezijulileyo zokulungisa ezombusazwe olukubeka kahle ukuthi eleZimbabwe kuzamele likhuthaze ukudlelana kahle kwezizalwane zelizwe.
"Lokhu kungenzakala kulakho ukulethela ilizwe intuthuko emangalisayo."
Uthi ibandla lakhe lifuna ukuthi amabandla aphikisa eleZanu PF abambane nxa efuna ukukhipha ibandla leli embusweni.
Ukuze lizwe okunengi ngodaba lolu hambani kubulembu beInternet ku - www.voazimbabwe.com.
NgoLwesine sixoxa loMnu. Alois Dzvairo umphathincebo webandla le National Constitutional Assembly.