amalinks wokungena

Breaking News

AmaWar Vets Athi uChamisa Lamazwe Entshonalanga Baphehla Impi Yomvukela eZimbabwe


Imali yohlobo lwama bond notes.

Ekuqhubekeni kokukhuphuka kwentengo yempahla ezitolo, abalwa impi yenkululeko bathi kukhanya kulesandla sabaphikisana lohulumende abafuna ukuthi uzulu ahlamukele uhulumende kaMongameli Emmerson Mnangagwa.

UMnu. Douglas Mahiya, isikhulumeli senhlanganiso yabalwa impi yenkululeko eye Zimbabwe National Liberation War Veterans’ Association, uthi iziphathamandla zamankampani lazo zisebenzelana lezitha zikahulumende ukuze kube lokungahlalisani elizweni okubangelwa yikukhuphuka kwentengo yempahla ezitolo.

Kusukela ngenyanga edluleyo intengo yempahla ezitolo ibikhuphuka mahlayana mihla ngemihla kwathi kuyonale iviki yaqonga okumangalisayo.

Ukuhlaziya loludaba sixoxe lelunga ledale lephalamende, uMnu. Prince Dubeko Sibanda, endawonye lesiphathamandla sebandla le Zanu PF, uMnu. Believe Gaule.

UGaule uthe, “Nxa ngikhangela mina ngibona engani kulokuyi sabotage okuthile ngoba omunye lomunye usezenzela okwakhe, ama price ayakhwela, omunye uthengisa imali laphana …”

Uthi uhulumende uzakwenelisa ukuletha inguquko.

Kodwa-ke uSibanda uthi inkulumo kaGaule ngeyomuntu nje osekela ibandla le Zanu PF.

“Okwenza ukuthi intengo ikhwele ayisikho ukuthi bekungela ma cabinet minister ngoba sonke siyakwazi ukuthi ama cabinet minister wonke wonalana kade ekhona emthethweni bekungamelanga ukuthi abekhona.”

please wait

No media source currently available

0:00 0:05:16 0:00

Facebook Forum

XS
SM
MD
LG