amalinks wokungena

Breaking News

Akulamali Yokuthenga Amashares Kumankampani Emazweni


Abantu makhaza eZimbabwe bathi kabasoze benelise ukudinga imali yokuthenga amashares kumankampani emazweni asebenza lapho okubekelwe khona izizalwane ze Zimbabwe.

Abakhulume le Studio 7 bekoBulawayo, Harare kanye le Gweru bathi akuvumi ukuthi badinge imali njengoba isimo somnotho welizwe sisibi kangaka.

Bathi okukhulunywa ngumphathintambo wezokuthuthukisa umnotho kazulu uMnu. Francis Nhema ukuthi badinge imali yokuthenga amashares kumankampani ezizalwane ze Nigeria lezinye izizalwane zamanye amazwe, yikuchitha isikhathi nje.

Abantu makhaza bathi bathwele nzima ngokuphandela imuli zabo ukudla loba nje ibandla le Zanu-PF lisithi uhlelo lokwabela uzulu amashares amankampani emazweni lumqotho.

Kasenelisanga ukuxoxa lonhema ngodaba lolu njengoba umakhalekhukhwini wakhe kade engaphendulwa.

Umnu. Roderick Fayayo umqondisi wenhlanganiso yezakhamizi eye Bulawayo Progressive Residents Association uthe kuyize nje okukhulunywa nguNhema.
XS
SM
MD
LG