amalinks wokungena

Breaking News

Lokhe Ingakavulwa iNkampani yeNew Zimbabwe Steel eRedcliff


Izisebenzi zenkampani ye New Zimbabwe Steel, seziphelelwa lithemba lokuthi inkampani le izavulwa lonyaka ukwenzela ukuthi ziphandele imuli okokuziphilisa.

Izisebenzi lezi zithi okuhluphayo yikuthi inkampani le kayisavulwanga ngoMpalakazi nyakenye njengokwethembisa kukamphathintambo wezemigodi uMnu. Mike Bimha.

Zithi akuphumi mgceke okwenziwa yinkampani ye Essar Africa Holdings eyathenga amashares amanengi ku Ziscosteel ngomnyaka ka 2011 lohulumende we Zimbabwe osedonsela muva.

Iziphathamandla zikahulumende zithi zikhathazwa linani lokwenjiwayo okwanikwa inkampani yamandiya le kulotshelwana isivumelwano lohulumende.

Iziphathamandla ze Ziscosteel zithi zisanda kuthengisa insimbi zakudala ukwenzela ukuthi zibhadale elinye iholo lezisebenzi esezihlale okwesikhathi eside zingaholi.

Ezinye izisebenzi zihlawulwe amatshumi amahlanu amadollar emelika - $50 ngaphambilini kwekhisimusi njengoba iZiscosteel yehluleke ukuthola imali enengi ekuthengiseni insimbi lezi.

Umnu. Benedict Moyo, omele izisebenzi enhlanganisweni ye Ziscosteel Joint Workers Unions, uthi kwephula inhliziyo okwehlele lezi zisebenzi.
XS
SM
MD
LG