amalinks wokungena

Breaking News

Kanti Vele Kunkulumo Zamabandla Ezombusazwe Kuyabe Kukhulunywani?


UMongameli Emmerson Mnangagwa

Inkulumo zokuxazulula inkinga zombusazwe kwele Zimbabwe seziqalile lanxa abanqoba abanye kukhetho olwenziwa nyakenye, uMnu. Nelson Chamisa loMongameli Emmerson Mnangagwa, bengakahlangani emihlanganweni esiyenziwe yokuphendla inkulumo zokulungisa okuhluphayo eZimbabwe.

Abanye bathi lokhu kufana lakudala ngesikhathi sombuso kaMnu. Ian Douglas Smith owaya emhlanganweni wokukhulumisana ngokwakusenzakala eZimbabwe-Rhodesia lapho ahlangana khona loBishop Abel Muzorewa labanye ababengasela mandla okubisela muva impi yenkululelo.

Amabandla ayeqakathekile – eleZapu lele Zanu – kawayanga kunkulumo lezi ngoba kwasokudumela emansumpeni ukuthi kubelombuso kazulu eZimbabwe.

Ukuhlaziya loludaba sixoxe lomfundisi wesonto yeBaptist, uReverend Ray Motsi, lesikhulumeli sebandla le MDC koBulawayo, uMnu. Felix Magalela Mafa.

“Okokuqala sapha ithemba uzulu weZimbabwe ukuba thina sizalungisisa ezenotho leze politics. Ngaphambilini impumela yokhetho ayisahambanga ngendlela abantu abavota ngayo. Saphinda samemezela ukuba sifuna kube lenkulumo ye-legitimacy yokuthi umongameli ngubani.”

Uthi bazimisele ukukhuluma loMnangagwa njengomkhokhelo webandla leZanu PF hatshi umongameli welizwe.

Umfundisi Motsi uphinde wathi, “Ingxoxo yeZimbabwe yokukhulumisana yinto enhle. Siyakusekela lokho. Thina abamabandla abama church, siyakusekela lokho.”

Facebook Forum

XS
SM
MD
LG