amalinks wokungena

Breaking News

Kubotshwa Intathelizindaba eZimbabwe Encedisa Abavela eMelika


FILE: Okwenzakala eHarare ngomnyaka ka2016. (AP Photo/Tsvangirayi Mukwazhi)

Intathelizindaba esebenza izimele, uJeffry Moyo, uvalelwe enkambeni yamapholisa ngemva kokubotshelwa icala lokupha imibiko okuthiwa ingamanga ngomsebenzi obulandwe zintathelizindaba ezidabuka kwele Melika ezephephandaba leNew York Times.

UMoyo ubikwa encedise ukungenisa intathelizindaba lezi eZimbabwe ngenyanga edluleyo bonke bengakhulumi iqiniso ngomsebenzi wabo.

Uhulumende uthi lokhu kwephule imithetho yelizwe emayelana lezethekeli lokusebenza kwentathelizindaba eZimbabwe.

Uyalilandula leli cala esithi wenza okusemthethweni ngokulandela okufunakalayo ekuvezeni obekusenziwa zintathelizindaba lezi.

UMnu. Douglas Coltart, igqwetha elimela uMoyo, uthi usethwalelwe koBulawayo ngenxa yokuba intathelizindaba lezi zibikwa zenza icala lazo edolobheni lelo.

“Sebemuse koBulawayo lapho azamiswa phambi kuka mantshi kusasa ekuseni. Bamethesa icala lokuqamba amanga mayelana lokusebenza kwe-immigration. Bathi wangenisa ababili laba ayesebenza laye kuphephandaba leNew York Times. UJeffry uyalilandula icala leli, bathola incwadi zabo zokusebenzisa ezeZMC.”

UMoyo Coltart uthi kasoze aphe iStudio 7 amabizo alezintathelizindaba esithi ulethemba lokuba uMoyo uzakhululwa emveni kokumiswa phambi kuka mantshi ngoLwesihlanu.

“Uhulumende uthi kakula bufakazi bokuthi wathola incwadi lezi ezeZMC. Lokhu kakulani lo Jeffry ngoba ayisiwo mlandu wakhe owokupha intathelizindaba incwadi zokusebenzisa.”

Isikhulumeli senhlanganiso yentahtelizindaba eye Young Journalists Association, uLeopold Munhende, uthi bakhathazekile ngokubotshwa kuka Moyo.

“Sitshona sikhuluma ngakho lokhu. Esibona kusenzakala ku Jeff ngokunye okutshona kusenzakala eZimbabwe. Angikaze ngizwe ukuthi lokhu kuyabophisa, nxa uhulumende efuna ukuba simhloniphe kumele ame ukubopha intatheli.”

Imizamo yokuthola amazwi amapholisa yehlule ngoba isikhulumeli samapholisa, uMnu. Paul Nyathi, ube esithi usemhlanganweni ngesikhathi iStudio 7 idinga umbono wakhe.

Facebook Forum

XS
SM
MD
LG