amalinks wokungena

Breaking News

Intengo Yempahla Ezitolo Iyala Ilokhu Ikhuphuka


Amafutha okupheka.
Amafutha okupheka.

Intengo yempahla ezitolo ilokhu iqhubekela phambili ikhuphuka lona iholo lezisebenzi lokhu lingayindawo osekudale ukukhonona kukazulu osethwele nzima.

Intengo lembadalo yenye njalo impahla ebalisa amafutha ezimota, amandla kagetsi lokunye, ikhangelelwe ukukhuphuka kumaviki amalutshwana alandelayo.

UMfundisi Anglistone Sibanda, oyisakhamuzi sako Bulawayo, uthi uzulu usethwele nzima ngomumo okhona elizweni.

USibanda uthi osekutshiye abanengi bethithibele yikhukhwezwa kwentengo yempuphu, okuyikudla kwansokuzonke osekuzatshiya abanengi belamba.

Esinye njalo isakhamuzi sako Bulawayo, uMnu. Raymond Phiri, uthi osekubonisa ubunzima bempilo yikuthi lapho uzulu efuna ukudanela etshwaleni ukuthi azilibazise intengo yotshwala layo isikhuphukile.

Umkhokheli wenhlanganiso elwela amalungelo ababalisi yeZimbabwe Teachers’ Association, uMnu. Richard Gundane, uthi lanxa impilo isilukhuni kuye wonke umuntu ababalisi bona bathwele avuzayo.

Kodwa umgcinisihlalo wenhlanganiso yeMotor Trader’s Association, uMnu. Abednico Bhebhe, uthi amafutha azasilela loba lokhu kungasoze kubangele ukukhuphuka kwentengo yempahla ngoba intengo yawo ingakhuphukanga.

Ekuqaleni komnyaka kube lokutshengisela okukhulu kulandela ukukhwezwa kwentengo yamafutha.

UMongameli Emmerson Mnangagwa uthi kungaba lokutshengisela okunye uzajezisa kalukhuni abazaphatheka kukho.

please wait

No media source currently available

0:00 0:04:49 0:00

XS
SM
MD
LG