amalinks wokungena

Breaking News

John Mangudya: Lingakhuphuli Intengo Yempahla Ngenxa Yokwehla Kwesisindo Semali


Impahla ezitolo.

Usibalukhulu webhanga lesizwe, uMnu. John Mangudya, usesole osomabhizimusi abakhuphula intengo yempahla lembadalo yemisebenzi yabo.

Lokhu kulandela ukukhuphuka mahlayana kwentento yempahla ezitolo kumaviki amalutshwana asanda kwedlula.

UMangudya uthi osomabhizimusi abanengi basebenzisa ukuwa kwesisindo semali yohlobo lwama RTGS kanye le bond njengesizatho sokukhuphula intengo yempahla yabo.

Kodwa uMangudya uthi intengo akumelanga ukhuphuke nxa imali iwe isisendo ngoba umhlaba wonke jikelele uyabekezela nxa isisindo semali yelizwe sehlile.

UMangudya ubesipha imibono yakhe kukhomithi yedale lephalamende ebona ngokwethulwa kwemibiko.

Imbiko kaMangudya ilandela ukukhuphuka mahlayana kwentengo yempahla eqakathekileyo empilweni kazulu ngesikhathi kukhanya kungela sisombululo sokwenqabela lokhu.

Isakhamuzi sako Bulawayo, uMnu. Meluleki Ncube, uthi uhulumende sebonakala engathi kakho ngokwehluleka ukulungisisa umumo wezomnotho.

Imuli ezinengi ziyehluleka ukuthola ukudla okweneleyo ngenxa yokuqansa kwentengo yempahla ngesikhathi abanengi bengasebenzi.

Esinye njalo isakhamuzi sako Bulawayo, uNkosazana Michelle Sibanda, uthi impilo isinzima kakhulu.

UMnu. Effie Dlela Ncube, isikhulumeli senhlanganiso elwela ilungelo labathengi eyeNational Consumer Rights Association, uthi indlela intengo ekhuphuka ngayo iyethusa.

Ngendlela intengo ekhuphuka ngayo abanye sebesesabela ukuthi umnyaka uphela okunye okuqakathekileyo empilweni kazulu kuzakuba kungasafinyeleleki.

please wait

No media source currently available

0:00 0:04:00 0:00

Facebook Forum

XS
SM
MD
LG