amalinks wokungena

Izitolo Ziyala Ukususa Umthelo weVAT Okhuphule Intengo Yokudla

  • Chris Gande

Esitolo

Lanxa uhulumende wathi imbadalo yomthelo we value added tax owawumele uqale ukufakelwa empahleni ezitshiyeneyo ezibalisa inyama lokunye ukudla ungasafakwa, izitolo ezinengi zibikwa zingakasusi lumthelo.

Isisindo sesilinginiso se kilogram elilodwa senyama eyiyo elentengo ephansi, iration meat ngesilungu, siyi $5.

Lokhu sokutshiye intengo yokudla iphezulu kakhulu.

Sixoxe lomgcinisihlalo wenhlanganiso ebona ngelungelo lezithengi, iConsumer Council of Zimbabwe, uMnu. Comfort Muchekezi, othi imali esifunakala ukondla imuli elabantu abahlanu ngenyanga isikhuphuke yedlula amakhulu amahlanu.

UMuchekeza uthi lanxa umthelo we VAT ungasuswa intengo yokunye ukudla okufana lenyama, inhlanzi lenyama yenkukhu iphezulu kakhulu nxa kukhangelwa ukuthi abahlaba inkomo, njengesibonelo, bathengisa ikilogram elilodwa ngedola kodwa ezitolo iba yi $5.

"Uhulumende sewafaka umthetho ukuthi intengo yehle, sikhangelele ukuthi izayehla kodwa okukhona yikuthi ngenxa ye competition labo abalokhu bekhuphule intengo yabo ukuthi bayehlise," kutsho uMuchekeza.

Facebook Forum

XS
SM
MD
LG