Ibandla leEconomic Freedom Fighters eleSouth Africa belilomcimbi ngoLwesine, lapho elincome umufi uMnu.Mugabe njengeqhawe elabela abantu umhlaba, njalo lithi uhlelo olufanayo kufanele luqhutshwe elizweni labo.
Abakhulume kulumbuthano babalisa uMnu. Saviour Kasukuwere, loMnu. Patrick Zhuwayo, ababeyiziphathamandla zikahulumende uMnu. Mugabe esabusa kodwa babikwa baleka elizweni esesusiwe esikhundleni besithi bahlukuluzwa ngumongameli Mnangagwa.
Kukhulume leziphathamandla zalelobandla ezibalisa umkhokheli weEFF uMnu. Julious Malema, uMnu. Mbuyiseni Ndlozi, kanye loMnu. Floyd Chivhambu bencoma inhlelo zikamufi besithi wayethuthukisa impilo yabensundu.
UMnu. malema uthe lanxa wayelamaphutha kunengi akufezayo.
Uhulumende uthi abakhokheli bamazwe alitshumi lanye sebegcizelele ukuthi bazaphatheka emkhosini wokuvalelisa umongameli Mugabe ngoMgqibelo eNational Sports Stadium eHarare.
Abakhokheli laba babalisa umongameli Teodoro Obiang Nguema Mbasogo, weEquatorial Guinea, uFelix Tshisekedi weDRC, u Nana Akufo-Addo weGhana’s, uArthur Peter Mutharika weMalaw uJoao Laurenco weAngola’s, uBrahim Ghali weSaharawi, uCyril Ramaphosa weSouth Africa’s, Felipe Nyusi weMozambique, u Edgar Lungu weZambia’s, uHage Geingob weNamibia’s lo Uhuru Kenyatta we Kenya.
Ababengomangameli abazabe bekumkhosi ofanayo nguKenneth Kaunda loRupiah Banda abeZambia, uJoachim Chissano weMozambique, Thabo Mbeki loJacob Zuma abeSouth Africa, lo Sam Nujoma lo Hifikepunye Pohamba beNamibia kanye lo Festus Mogae weBotswana.